Mateo 24:3 - Ing Mayap a Balita Biblia

³ Kanitang misan, kabang makalukluk ya i Jesus karin king Bunduk ding Olibo, lepitan de ring alagad na at kitnan deng sarilinan. Ngara, Kapilan ngan mapalyari ing kekang sinabi? Nanu ing maging palatandanan ba ming abalu ing paniatang mung pasibayu at ing kawakasan na ning yatu?

Mateo 24:3 Iomraidhean Croise

Mateo 13:36

Kaybat na nita, likuan na lang Jesus ding dakal a tau at sinalangi ya king bale. Linapit la ding alagad na at ngara, Nanu ing buri nang sabian ning talimhaga tungkul king dikut libutad ning pale?

Mateo 13:49

Makanyan ing mapalyari king kawakasan na ning panaun. Datang la ding anghel at ikawani da la ring e mayap a tau karing mayap,

Mateo 15:12

Kanita linapit la ding alagad at ngara, E yu apansin king menamdaman la ding Pariseo king kekayung sinabe?

Mateo 16:27

Ing Anak ning Tau datang yang kayabe ning kayupayan nang Ibpa na at antabayanan de ring anghel na. King paniatang na ablasan ne ing balang metung agpang king depat na.

Mateo 16:28

Sasabian ku kekayu: E ra takman ding aliwa kekayu keti ing kamatayan anggang e re akit datang keti antimong Ari ing Anak ning Tau.

Mateo 17:19

Inyang asarilinan de i Jesus, kitang da ring alagad na nung baket e re apalakuan ing demonyu.

Mateo 21:1

Inyang milalapit na la Jerusalem, miras la Betfage, lele ning Bunduk ding Olibo. Kanita mitubud yang adua i Jesus karing alagad at pepaunan na la.

Mateo 24:27

Uling ing Anak ning Tau datang ya anting kildap a gugulis king banua ibat king aslagan angga king albugan.

Mateo 24:30

Kaybat na nita, lunto ya king banua ing tanda ning Anak ning Tau; kumiak la ding sablang tau keti king yatu at akit deng daratang ing Anak ning Tau libutad ding biga kayabe na ning kayupayan at maragul a kamalan.

Mateo 24:37

Ing paniatang na ning Anak ning Tau kalupa na nitang milyari king panaun nang Noe.

Mateo 24:39

At e ra balu ing malilyari angga king dinatang ing albug at tiki na la ngan ning albug. Makanyan munaman ing malyari potang datang ne ing Anak ning Tau.

Mateo 24:43

Oneng tandanan yu ini: nung ing metung a mibalebale balu na nung nanung oras ning bengi karin ya datang ing mapanako, siguradung e ya matudtud at e ne paburen makapanlub king bale na.

Mateo 28:20

at ituru yu lang tupad king sablang inutus ku kekayu. Tandanan yu: kayabe yu ku kapilan man angga king kawakasan na ning panaun!

Lucas 21:7

Ngarang mengutang kang Jesus, Maestro, kapilan malyari iti? At nanu ing palatandanan king pangatupad na niti?

Ding Dapat 1:7

Pekibat nang Jesus karela, Ing kayupayan nang Ibpa ku ya ing mitutuldu karing panaun at karing aldo, at e mangaintulid kekayu ing pakibaluan pa nung kapilan la datang.

Hebreo 9:26

Nung e makanyan ing gewa na, e kasi kailangan ing ulit-ulit yang mamamate manibat na kanitang melalang ya ing yatu. Oneng pepakit ya misan mu at para king kapilan pa man ngening malapit nang mapupus ing panaun, ba nang ilako ing kasalanan king kapamilatan na ning pamisakripisyu na king sarili na.