Mateo 23:3 - Ing Mayap a Balita Biblia

³ Inya pamintuan yu at tukian ing nanumang yuyutus da kekayu, oneng e yu la pakiapusan king daraptan da, uling e ra tutuparan ing ipanaral da.

Mateo 23:3 Iomraidhean Croise

2 Cronica 30:12

Magobra ya ing Dios king Juda at pisanmetungan na la ding tau karin ban tupad king utus ning ari at ding pamuntuk na.

Exodo 18:23

Nung yan ing daptan mu, antimo ing kaburian na ning Dios keka, e ka masiadung misakitan; milunasan agad ing problema da ring tau at maranun la pang makauli bale ra.

Mateo 21:30

Kaybat na nita, minta ya ing tata king kadua at makanyan munaman ing inutus na. Opu, munta ku, nganang mekibat. Oneng e ya minta.

Mateo 23:2

Ding talaturu ning Kautusan at Pariseo ila ding mirinan upaya ban palino king Kautusan nang Moises.

Mateo 23:4

Manaptas lang mangabayat a karga at papusan da karing tau, kabang ila naman agyang metung mu man karing taliri da e re kikimut ban saupan da lang magkarga kareti.

Ding Dapat 5:29

Nganang mekibat Pedro at ding aliwang apostol, Kailangan ing pamintuan mi ya ing Dios at aliwa ding tau.

Roma 13:1

Sukat yang mamintu ing metung at metung karing manimuna king balen, uling alang kayupayan a makalto nung e na paintulut ning Dios, at binili na la karin ning Dios ding atyu king katungkulan.

Deuteronomio 4:5

Tiru ku la ngan kekayu ding sablang kautusan at tuntunan nung makananu na lang sinabi kanaku ning Ginung kanakung Dios. Tuparan yu la sana king gabun a luban yu ban bandian.

Deuteronomio 5:27

Ika na mu ing magbalik at makiramdam king sabian na ning Ginung Dios. Kaybat, sabian mu kekami itang sinabi na. Makiramdam kami keka at mamintu.

2 Timoteo 3:5

Papakit da king relihiosu la, oneng e mu naman akit king bie ra ing upaya na ning kabanalan. Pangilagan mu la ding taung anti kareti.

Tito 1:16

Sasabian da king balu re ing Dios, oneng palaraman na la ning dapat da. Tau lang pikakasaman at mapaglaban, inya e mu la ayasahan.