Mateo 21:1 - Ing Mayap a Balita Biblia

¹ Inyang milalapit na la Jerusalem, miras la Betfage, lele ning Bunduk ding Olibo. Kanita mitubud yang adua i Jesus karing alagad at pepaunan na la.

Mateo 21:1 Iomraidhean Croise

Zacarias 14:4

King aldong ita talakad ya babo ning Bunduk ding Olibo, king dane aslagan na ning Jerusalem. Kanita mapirasu ya king adua ing Bunduk ding Olibo king maragul a kapatagan manibat king dane aslagan angga king dane albugan. Malis ya ing kapitna ning bunduk banda king norti, at ing kapitna banda king mauli.

Mateo 20:34

Melunus ya karela i Jesus at tigkil na la ding mata ra; kanita mu rin menakit la at tinuki la kang Jesus.

Mateo 21:2

Ngana karela, Munta kayu king baryung arapan yu. Karas yu karin manakit kayung metung a gaindung asno; makatali ya, kayabe ne ing biseru na. Kalagan yu la at idala yu la keni.

Mateo 24:3

Kanitang misan, kabang makalukluk ya i Jesus karin king Bunduk ding Olibo, lepitan de ring alagad na at kitnan deng sarilinan. Ngara, Kapilan ngan mapalyari ing kekang sinabi? Nanu ing maging palatandanan ba ming abalu ing paniatang mung pasibayu at ing kawakasan na ning yatu?

Mateo 26:30

Selisi deng kinta ing metung a kanta, at kaybat linual lang papunta king Bunduk ding Olibo.

Marcos 13:3

Kabang makalukluk ya i Jesus king Bunduk ding Olibo, tulid ning Templo, lihim deng kitnan di Pedro, Santiago, Juan, at Andres.

Marcos 14:26

At kaybat deng kinta ing metung a kanta, minta la king Bunduk ding Olibo.

Lucas 21:37

Aldo-aldo tuturu ya i Jesus kilub ning Templo at mamako ya mu neng bengi at magpaynawa king Bunduk ding Olibo.

Lucas 22:39

Meko ya king siudad i Jesus at minta ya king Bunduk ding Olibo, antimo ing meging kaugalian na, at tinuki la ding alagad na.

Juan 8:1

oneng minta ya i Jesus king Bunduk ding Olibo.

Ding Dapat 1:12

Kaybat na nita, migbalik la Jerusalem ding apostol ibat king Bunduk ding Olibo a atin anggang metung a kilometru karayu king siudad.