Mateo 2:8 - Ing Mayap a Balita Biblia

⁸ Kaybat pepalakuan na na lang papunta Betlehem a kayabe na niting panabilin: Munta kayu at panintunan yeng masalese ing anak. Potang ikit yu ne, ipabalu yung agad kanaku ban aku man munta ku at samban ke.

Mateo 2:8 Iomraidhean Croise

2 Samuel 17:14

Nganang Absalom at ding sablang kelalakinan na ning Israel, Mas masanting ya ing sinabi nang Husai a Arkiteo kesa king kang Ahitofel. Iti milyari uling inari na king lub na ning Ginu ing sabatan ya ing payu nang Ahitofel ban kang Absalom dugpa ing kapahamakan.

1 Ari 19:2

Inya peparala yang tubud i Jezebel kang Elias ban sabian ing anti kaniti: Makanyan at maygit ing parusang daptan da kanaku ding dios, nung anggang bukas king oras a anti kaniti, e ku daptan keka itang depatan mu karing propeta.

Ding Kasebian 21:30

Alang kabaldugan ing kabiasnan o beluan at ing ating aintindian, nung ing Ginu ya ing kekang pakilabanan.

Ding Tagulele 3:37

Bukud mung ing keyang kaburian ya ing parating mipamintuan.

Mateo 2:1

Mibait ya i Jesus king Betlehem, Judea, kanitang panaun nang Aring Herodes. E melambat dinatang la Jerusalem ding mapilan a Mangabiasa, ding taung magaral king pangimut da ring batuin; menibatan la king Aslagan

Mateo 2:7

Inya pepayaus na lang Herodes at pinulung pasalikut ding Mangabiasa; inusisa na at abalu karela nung kapilan de ikit ing batuin.

Mateo 2:9

Meko la kaybat dang dimdam ing panabilin na ning ari. Kabang dalan ing batuining mismung batuin a ikit da king Aslaganminuna ne naman karela angga king miras ya at tinuknang tulid na ning lugal a kabilian ning anak.