Mateo 2:5 - Ing Mayap a Balita Biblia

⁵ Ngarang mekibat, King Betlehem, Judea uling sinulat na pu ning propeta:

Mateo 2:5 Iomraidhean Croise

Genesis 35:19

Mete ya i Raquel at mikutkut ya king lele dalan papunta Efrata a ngeni ya ing Betlehem.

Mateo 2:1

Mibait ya i Jesus king Betlehem, Judea, kanitang panaun nang Aring Herodes. E melambat dinatang la Jerusalem ding mapilan a Mangabiasa, ding taung magaral king pangimut da ring batuin; menibatan la king Aslagan

Mateo 2:4

Pepayaus na la at tinipun ding pamuntuk da ring pari at ding talaturu ning Kautusan at kitang na karela, Nu ya mibait ing Cristo?

Juan 7:42

Sasabian na ning kasulatan king ing Cristo manibatan ya king lahi nang David at manibatan ya Betlehem, ing balen nung nu ya menuknangan i David.

Josue 19:15

Kabilang la ring siudad ning Kattat, Naalal, Simron, Idala, at Betlehem. Labi lang aduang siudad ampon ding balen a makapadurut kareti.

Ukum 17:7

Kanita munamang panaun a ita ating metung a kayanakan a Levita a malambat nang manuknangan king Betlehem ning Juda.

Ruth 1:1

Kanitang ding ukum ilang mamuntukan king Israel, mika maragul a danup king mabilug a bansa. Inya ing metung a tau Betlehem at ing asawa na ampon ding adua nang anak a lalaki miglakbe lang minta king bansang Moab.

Ruth 1:19

Sindu ra ing pamaglakbe ra. Inyang miras la Betlehem, mipamulala la ding taung menakit karela. Ngarang mikukutnanan ding babai, Aliwa i Naomi ita?!

Ruth 2:4

Mipaintagun king dinatang ya i Boaz a menibatan Betlehem. Ngana karing taung papalut, Mantabe ya kekayu ing Ginu. Bendisyunan na ka sa ning Ginu, ngara namang mekibat.

Ruth 4:11

Ngara ding makatua at ding aliwa, Wa, testigu kami ngan. Bendisyunan ne sa ning Ginu ing maging asawa mu antimo ing pamamendisyun na kang Raquel at Lea, at uli ra linto ya ing Israel. Mibandi ka sa king Efrata at maging mayupaya king Betlehem.

1 Samuel 16:1

Ngana ning Ginu kang Samuel, Angga kapilan me tangisan i Saul ngening ikit mung leko ku na ing panga-ari na king Israel? Katmuan meng laru ing kekang lulanan at puntalan me i Jese ning Betlehem uling pinili ke ing metung karing anak na ban maging ari.