Mateo 2:4 - Ing Mayap a Balita Biblia

⁴ Pepayaus na la at tinipun ding pamuntuk da ring pari at ding talaturu ning Kautusan at kitang na karela, Nu ya mibait ing Cristo?

Mateo 2:4 Iomraidhean Croise

2 Cronica 34:13

Ding aliwa namang Levita ila ding mika pakibatan king pangadala ding materialis at pamanibala karing magobrang miyayaliwa gagawan. Migsilbi lang talapaglista o bante ding aliwa.

2 Cronica 34:15

Nganang Hilkia kang Safan a kalihim, Ikit ke king Templo ning Ginu ing libru ning Kautusan. Binie ne iti kang Safan,

2 Cronica 36:14

Subali pa kanyan, lalu lang meging taksil ding manimuna da ring pari at ding memalen. Pekiapusan da ing makasumaming dapat da ring aliwang bansa, at dinatan de ing Templo ning Ginu a telaga nang banal.

Ezra 10:5

Tinalakad ya i Ezra at pepapangakuanan na lang taimtim ding manimuna da ring pari, ding Levita, at ding memalen king daptan da itang binie nang munikalang Secania.

Ezra 7:6

Dinatang ya iting i Ezra ibat Babilonia. Talasulat ya at tune biasa king Kautusan nang Moises a binie na ning Ginu, ing Dios ning Israel. Babie na ning ari ing nanumang aduan nang Ezra uling patnubayan ne ning Ginung Dios na.

Nehemias 12:7

Sallu, Amok, Hilkia, at i Jedaia. Ila deti ring manimuna da ring kalupa dang pari king panaun nang Jesua.

Ding Dalit 2:2

Ari keting yatu abe-abe la, at e mayap ing buri da; karelang mamuntukan mipupulung la; ing Ginu ya'ng buri dang labanan at ing aring pinili na.

Jeremias 8:8

Makananu yung asabi ing biasa kayu at balu ding kautusan ku? Lawan yu, penalilan da la ring kautusan ku ding e tapat a talasulat.

Malakias 2:7

Katungkulan da ring pari ing ituru da ing tune kabiasnan tungkul king Dios. Sukat lang lumapit karela ding tau ban abalu ra ing kaburian ku, uling ila ding tubud na ning Ginung Mayupaya.

Mateo 13:52

Inya ngana karela, Nung makanyan, iti ing buri nang sabian: king ing balang talaturu ning Kautusan a kikilala king Kayarian ning Banua kalupa ne ning metung a mibalebale a milulual karing bage bayu at laun king pisisinupan na.

Mateo 2:3

Inyang dimdam nang Aring Herodes iti tutu yang megulu isip, antimu rin ing mabilug a Jerusalem.

Mateo 2:5

Ngarang mekibat, King Betlehem, Judea uling sinulat na pu ning propeta:

Mateo 21:15

Oneng mimua la ding pamuntuk da ring pari at talaturu ning Kautusan inyang ikit da la ring makapagmulala nang dapat at nung makananu rang sasabian masikan ding anak king Templo, Purian ya ing Anak nang David!

Mateo 21:23

Linub yang pasibayu king Templo i Jesus; kabang tuturu ya, linapit la ding pamuntuk da ring pari ampon ding makatua ning balen at ngara, Nanu ing kayupayan mung gawa kareting bage? Ninung minie keka king kayupayan a yan?

Mateo 26:3

Ketang penandit a ita, ding pamuntuk da ring pari at ding makatua na ning balen makatipun la king palasyu nang Caifas, ing Pekapun ding Pari.

Mateo 26:47

E pa man meyaring magsalita i Jesus, dinatang ya i Judas, ing metung karing labing adua. Kayabe na la ding dakal a taung magdala-dalang espada at palupalu. Ibat la karing pamuntuk da ring pari at karing makatua na ning balen.

Mateo 27:1

Pangayabak a maranun, pipulung da ring pamuntuk da ring pari at ding makatua na ning balen nung makananu reng apapate i Jesus.

Mateo 7:29

E re kalupa ding talaturu ning Kautusan, uling tinuru yang maki kayupayan.

Marcos 8:31

Pegumpisan na lang tirung Jesus ding alagad na. Ngana, Sukat yang dumalan dakal a kasakitan ing Anak ning Tau. Tanggian de ring makatua na ning balen, ding pamuntuk da ring pari, at ding talaturu ning Kautusan. Papate re, oneng king katlung aldo subli yang mie.

Lucas 20:19

Kanita mu rin buri deng dakpan ding talaturu ning Kautusan at ding pamuntuk da ring pari i Jesus, uling aintindian da king ila ding pamaramdaman na king talimhaga; oneng tatakut la karing tau.

Lucas 23:10

Atyu la karin ding pamuntuk da ring pari at ding talaturu ning Kautusan a alang tuknang king pamagbintang da kang Jesus.

Juan 18:3

Minta ya karin i Judas; kayabe ne ing metung a grupu da ring sundalus at ding mapilan a guardia na ning Templo a peparala da ring pamuntuk ding pari at ding Pariseo. Magdala lang sulu, sulugi at sandata.

Juan 3:10

Mekibat ya i Jesus, Metung kang talaturu ning Israel at e mu la aintindian deting bage?

Juan 7:32

Dimdam da ring Pariseo ing babalita da ring tau tungkul kang Jesus, at ding pamuntuk da ring pari, at ding Pariseo mitubud lang guardia ba reng dakpan.

Juan 8:3

Dela re king arap na ding talaturu ning Kautusan at ding Pariseo ing metung a babaing merakap makipangalugud. Pepatalakaran de ing babai king arap da

Ding Dapat 23:9

Mitas na lang mitas a bosis king pamagsalita ra. Tinalakad la ding mapilan a talaturu ning Kautusan a kapangkat da ring Pariseo at migprotesta lang masikan. Ngara, Ala keng akakit a pamikasala king taung ini! Mekad menakit ya pin o mekaramdam metung a espiritu o kaya metung a anghel!

Ding Dapat 4:5

Kabukasan, mitipun la Jerusalem ding pamuntuk da ring Judio, ding makatua, at ding talaturu ning Kautusan.

Ding Dapat 6:12

King anti kaniting paralan apagalsa da la pilubluban ding memalen, ding makatua ning balen, at ding talaturu ning Kautusan laban kang Esteban. Pintalan de at dekap i Esteban at keladkad de at inarap king Konsehu.