Mateo 2:12 - Ing Mayap a Balita Biblia

¹² Meyaus ing karelang pansin king kapamilatan ning metung a paninap king e na la magbalik pa kang Herodes. Inya menaliwa lang dalan ding Mangabiasa king pamagbalik da king karelang bansa.

Mateo 2:12 Iomraidhean Croise

Genesis 31:24

Pero ketang benging ita pepakit ya ing Dios kang Laban, ing Arameo, king kapamilatan na ning paninap at sinabi na kang Laban king e ne sana nananan balang i Jacob.

Exodo 1:17

Oneng ding ilut, uli na ning takut da king Dios, e ra pemintuan ing utus na ning ari. E da la pete ding anak a lalaking mibait.

Daniel 2:19

King bengi mu ring ita mipabalu ya ing misteryu kang Daniel king kapamilatan na ning metung a vision. At pinuri ne ing Dios ning banua. Ngana,

Mateo 1:20

Kabang isipan na ing makanyan, pepakit ya king paninap ing metung a anghel ning Ginu. Ngana, Jose a lahi nang David, e ka tatakut balausnan pakasalan i Maria, uling ing kagli na milyari ya king kapamilatan na ning upaya ning Banal a Espiritu.

Mateo 2:13

Kalako da ring Mangabiasa, pepakit ya ing anghel ning Ginu kang Jose king kapamilatan na ning paninap. Ngana, Mibangun ka, idala me ing anak ampon i ima na at munta kayu Ehipto. E kayu mamako karin anggang e ku sabian, uling papaintun neng Herodes ing anak ba neng ipapate.

Mateo 2:19

Inyang mete ne i Herodes, pepakit ya ing anghel ning Ginu kang Jose karin Ehipto king kapamilatan na ning paninap.

Mateo 2:22

Oneng inyang abalitan nang Jose king i Arkelao ya ing menalili kang Herodes a tata na bilang ari ning Judea, mitakutan yang taglus karin. Pasibayu yang tinanggap amanu king kapamilatan ning paninap; inya king sakup ning Galilea karin ya migbanda.

Mateo 27:19

Kabang makalukluk ya pa i Pilato king husgadu, atin yang pepasabi keya ing asawa na. Ngana, E ka makialam king taung yan a alang kasalanan, uling meligalig kung e mu nanu king paninap ku nabengi tungkul keya.

Lucas 2:26

Pepabalu na kang Simeon ning Banal a Espiritu king e ya mate anggang e ne akit ing Cristo a pengaku na ning Ginu.

Ding Dapat 10:22

Ngarang mekibat, Tinubud na kami ning Kapitan Cornelio. Metung yang taung mayap a makitakut king Dios at gagalangan ne ning mabilug a bansang Judio. Sinabi na keya ning banal a anghel ning Dios ing kumbiran na kayung munta keta king bale na ba nang pakiramdaman ing nanumang sabian yu.

Ding Dapat 4:19

Oneng ngarang mekibat di Pedro at Juan, Ikayu na mismu ing matul nung isanu ing matulid arap ning Dios: ing mamintu kami kekayu o mamintu ke king Dios.

Ding Dapat 5:29

Nganang mekibat Pedro at ding aliwang apostol, Kailangan ing pamintuan mi ya ing Dios at aliwa ding tau.

1 Corinto 3:19

Uling ing kabiasnan na ning yatung iti kamangmangan mu king arapan na ning Dios. Uling sasabian na ning kasulatan, Darakpan na la ning Dios ding biasa king sarili rang kayalistuan.

Hebreo 11:7

Ing kasalpantayanan munaman ing mekayagkat kang Noe ban makiramdam ya king babala na ning Dios tungkul karing bage a mapalyari king aldo bukas a e na pa ikit Noe. Pemintuan ne ing Dios at ginawa yang metung a barku a mekapagligtas keya at king pamilya na. King kapamilatan na ning kasalpantayanan nang Noe pepalto nang makasalanan ya ing yatu, at ya naman mebilang ya karing taung katanggap-tanggap bilang ablas na ning kasalpantayanan na.

Hebreo 8:5

Oneng king katunayan ing obrang gagampanan da metung mung wangis at peka anino na ning karin banua. Kalupa na ning anti kanitang king panaun nang Moises. Inyang tatalakad neng Moises ing Tolda, sinabi na ning Dios keya, Pakasiguraduan mu king gawan mu ing sabla antimo ing pepakit ku keka karin king bunduk.