Mateo 2:1 - Ing Mayap a Balita Biblia

¹ Mibait ya i Jesus king Betlehem, Judea, kanitang panaun nang Aring Herodes. E melambat dinatang la Jerusalem ding mapilan a Mangabiasa, ding taung magaral king pangimut da ring batuin; menibatan la king Aslagan

Mateo 2:1 Iomraidhean Croise

Genesis 10:30

Magumpisa ya king Mesa angga Sefar ing gabun a tutuknangan da, ing lugal a mabunduk king bandang aslagan.

Genesis 25:6

Inyang mabie ya pa, dininan na na lang mana ring anak nang lalaki karing babaing kasese na. Pepapuntalan na la king dane aslagan ban ilaut la kang Isaac.

Genesis 41:8

E ya mipaindatun itang kayabakan. Pepatubud ya at pepayaus na la ring sablang salamangkeru at ding taung mangabiasa ning Ehipto. Kinwentu na la ning ari karela ding apaninap na, oneng ala metung man karela ing mekaibie kabaldugan karing peninap na.

Genesis 49:10

E ya mako misan man ing setro kang Juda ni ing simbulu ning kayupayan na. Angga king datang ya itang talan king setro mu a sukat dang pamintuan ding tau.

1 Ari 4:30

Ligpusan na la kabiasnan ding biasa na ning aslagan at ning Ehipto.

1 Cronica 2:51

I Salma, ing kapatad nang Hur, ya i tata nang Betlehem. I Haref, ing kapatad da ri Hur at Salma, ya i tata nang Betgader.

Job 1:3

Atin yang pitung libung tupa, atlung libung kamelyu, limang dalan a paris a baka, limang dalan a gaindung asno ampon dakal a ipus. Ya ing mabanding dili karing tau king Aslagan.

Isaias 11:10

Datang ing aldo potang ing bayung aring ibat king lahi nang David maging tanda ya para karing sablang bansa. Mitipun la ding bansa king banal a siudad at parangalan de.

Mikeas 5:2

Nganang sasabi ning Ginu, Betlehem Efrata, metung ka karing malating diling balen na ning Juda, oneng keka ya lunto ing metung a manimuna para king Israel. Malyaring akit me ing pamilya na king metung a pamilyang atyu na kanita pang minumang panaun.

Mateo 1:25

Oneng e ne teginan i Maria angga na king beit ne ing metung a anak a lalaki a pemalagyuan nang Jesus.

Mateo 2:16

Mimua yang e mu nanu i Herodes inyang abalu nang melinlang ya karing Mangabiasa. Inya pepapate na la ngan ding anak a lalaki karin Betlehem at karing makalapit a lugalding sablang anak a lalaking atin nang aduang banua tua at pababa, agpang king ikua nang ausisa karing Mangabiasa.

Mateo 2:19

Inyang mete ne i Herodes, pepakit ya ing anghel ning Ginu kang Jose karin Ehipto king kapamilatan na ning paninap.

Mateo 2:3

Inyang dimdam nang Aring Herodes iti tutu yang megulu isip, antimu rin ing mabilug a Jerusalem.

Mateo 2:5

Ngarang mekibat, King Betlehem, Judea uling sinulat na pu ning propeta:

Mateo 2:7

Inya pepayaus na lang Herodes at pinulung pasalikut ding Mangabiasa; inusisa na at abalu karela nung kapilan de ikit ing batuin.

Lucas 1:5

Kanitang i Herodes ya ing ari na ning Judea, ating metung a pari a milagyuan Zacarias. Miembru ya king grupu da ring pari nang Abiya. Elizabeth ya lagyu ing asawa na at iti ibat ya king lahi nang Aaron a pari.

Lucas 2:11

Uling king benging iti king balen nang David mibait ya ing kekayung Talapagligtas, ing Cristo a Ginu.

Lucas 2:15

Inyang migbalik na la banua ding anghel, ngara ding pastul king metung at metung, Tara munta tamu Betlehem ban akit tamu iting mepalyaring balita na kekatamu ning Ginu.

Juan 7:42

Sasabian na ning kasulatan king ing Cristo manibatan ya king lahi nang David at manibatan ya Betlehem, ing balen nung nu ya menuknangan i David.

Ukum 17:7

Kanita munamang panaun a ita ating metung a kayanakan a Levita a malambat nang manuknangan king Betlehem ning Juda.