Mateo 17:3 - Ing Mayap a Balita Biblia

³ Kabud-abud ikit de i Moises at i Elias; makipagsalita la kang Jesus.

Mateo 17:3 Iomraidhean Croise

1 Ari 17:1

Ating metung a propeta a tau Tisbe, Gilead. Elias ing lagyu na. Nganang sinabi kang Aring Ahab, King lagyu na ning Ginu, ing mabie Dios ning Israel a kakung susuyuan, sasabian ku keka: e muran o mambun man kilub ding adua o atlung banua anggang e ku sabian.

Malakias 4:5

Oneng itubud ke pa kekayu ing propeta Elias bayu datang iting maragul at makatakut a aldo ning Ginu.

Mateo 17:2

King akakit da ring atlung alagad minaliwa ya itsura i Jesus; maslag yang anti ing aldo ing lupa na at meging makasilo ya king puti ing imalan na.

Mateo 17:4

Inya nganang Pedro kang Jesus, Ginu, masanting ing keti ta na. Nung bisa ka gawa kung atlung kubu keti; metung para keka, metung para kang Moises, at metung para kang Elias.

Marcos 9:4

Kanita mu rin ding atlung alagad ikit da la ri Elias at i Moises; makipagsalita la kang Jesus.

Lucas 1:17

Datang yang mumuna king Ginu, masikan at mayupayang antimo i propeta Elias ba na lang pikasunduan pasibayu ding tata at ding anak; ban tuntun la ding makasalanan king dalan da ring matulid, at ban isadia ne para king Ginu ing balen a pinili na.

Lucas 16:16

Ing Kautusan nang Moises at ing sinulat da ring propeta mipairal angga mu ketang panaun a dinatang ya i Juan a Maminyag. Manibat na kanita, mipanaral ne ing Mayap a Balita tungkul king Kayarian ning Dios, at ing balang metung magkapilit yang milub kaniti.

Lucas 24:27

At selese nang Jesus karela ing masasabi karing sablang kasulatan tungkul keya, manibat karing libru nang Moises at karing Kasulatan da ring sablang propeta.

Lucas 24:44

Kaybat ngana karela, Ing amanuan ku kanitang kayabe yu ku pa ya pin iti: kailangan ing matupad ing sablang misulat tungkul kanaku king Kautusan nang Moises, karing libru da ring propeta, at karing Dalit.

Lucas 9:33

Inyang lalakuan da ne i Jesus ding adua katau, nganang Pedro kang Jesus, Maestro, mayap ing keti ta na! Gawa tamung atlung kubu; metung para keka, metung para kang Moises, at ing metung para kang Elias. (Tune nang e balu ing sasabian na.)

Juan 1:17

Binie ne ning Dios ing Kautusan king kapamilatan nang Moises, oneng ing lugud na at katutuan miras karing tau king kapamilatan nang Jesu-Cristo.

Deuteronomio 18:18

Mitubud kung propetang kalupa mu a manibatan karing mismung kalahi ra. Sabian ku itang buri kung sabian na at ipayabut na karing tau itang sablang iyutus ku.

Deuteronomio 34:10

Ala pang bitasang linto propeta king Israel a kalupa nang Moises at akapagsalita nang arap-arapan ning Ginu.