Mateo 16:3 - Ing Mayap a Balita Biblia

³ Neng abak a maranun, nung ing banua malulam ya, ngayung sasabi, Muran ngeni. Ayayanunsyu yu ing panaun king pamaglalawe yu king banua, oneng e yu la aintindian ding palatandanan na ning kasalukuyan a panaun.]

Mateo 16:3 Iomraidhean Croise

1 Cronica 12:32

Ding king lahi nang Isacar, adua lang dalan ding manimuna a kayabe da ring pamilyang karelang panimunan. Balu da lang dinan kabaldugan ding panaun at biasang gawang lakbang a gawan na ning bansang Israel.

Mateo 11:5

manakit la ding bulag, makalakad la ding pile, kakayap la ding leprosuan, makaramdam la ding maklak, susubli lang mie ding mete, at mipanaral ya ing Mayap a Balita karing kalulu.

Mateo 15:7

Hipokrita! Tinud yang tinud ing propeta Isaias a minie ula tungkul kekayu:

Mateo 22:18

Oneng balu nang Jesus ing e mayap dang parasan, inya ngana karela, Hipokrita! Obat buri yu kung subukan?

Mateo 23:13

Makalunus na kayo, ikayung talaturu ning Kautusan at Pariseo! Hipokrita! Sasara ye ing pasbul ning Kayarian ning Banua karing tau. E na kayu bisang lungub, makanyan man sasabatan yu la pa ding taung bisang lungub! [

Mateo 4:23

Leganasan neng pintalan Jesus ing mabilug a Galilea; tinuru ya karing karelang sinagoga at penaral na ing Mayap a Balita tungkul king Kayarian ning Banua. Pepakayap na la naman ding tau king miyayaliwa rang sakit at kapanamdaman.

Mateo 7:5

Hipokrita! Muna me pamung ilako ing trosung atyu king mata mu, kanita manakit kang masalese at alako me ing puling king mata ning kapatad mu.

Lucas 11:44

Makalunus na kayo! Uling mengari kayung kutkutan a alang tanda at daramusakan da ring tau king e ra balu.

Lucas 12:56

Hipokrita! Balu yung dinan kabaldugan ing tanda na ning banua at yatu, obat e yu balung dinan kabaldugan ing kasalukuyan a panaun?

Lucas 13:15

Mekibat ya ing Ginu, Hipokrita! E ye wari kakalagan king kural ing kekayung baka o asno at painuman agyang Aldo ning Sabbath?

Hebreo 5:14

Oneng ing masias a pamangan para kareta yang atyu na king idad a sane na king pamangilala king mayap at king e mayap.