Mateo 13:3 - Ing Mayap a Balita Biblia

³ Tiru na lang dakal a bage king kapamilatan da ring talimhaga. Ngana, Ating metung a ortelanung linual ban salbag bini.

Mateo 13:3 Iomraidhean Croise

Ding Dalit 49:4

Pansinan ku lang kasebian, at karelang kabaldugan kakung pakibaluan kabang ining alpa kaku yang titigtigan.

Ding Dalit 78:2

Ing asbuk ku magsalita ya king kapamilatan ning talimhaga, at ibulalag ku lang lihim a aral a milihim king milabas a panaun;

Ezekiel 17:2

Ngana, Anak ning tau, sabian me karing Israelita ing metung a talimhaga.

Ezekiel 20:49

Oneng ngakung tinutul, O Ginung Dios, e mu sa parapat kanaku ing anti kanyan! Sasabian na na ning metung at metung king maralas ku kanung magsalita king kapamilatan da ring bugtung.

Mikeas 2:4

Potang datang na ing panaun a ita, gamitan da ring tau ing kwentu tungkul kekayu antimong alimbawa na ning kabiguan at ikanta de iting kanta ning kabiguan tungkul king bie yung delanan: Lubus keng misaldak! Kinua ning Ginu ing gabun mi, at binie na karing memihag kekami.

Habakuk 2:6

Ding taung mesakup isunu da la at insultuan ding taung miniakup karela. Sabian da karela, Kakuanan yu ing e kekayu, oneng makalunus na kayo! Angga kapilan ing magpakabandi kayu king kapamilatan na ning pamamilit yung mamayad la ding mika utang kekayu?

Mateo 13:4

King pamanialbag na, ating bining digpa king dalan-dalanan. Dinatang la ding ayup at tiktuk da iti.

Mateo 13:53

Inyang ayari na na lang sinabing Jesus deting talimhaga meko ya king lugal a ita,

Mateo 22:1

Migsalita yang pasibayu i Jesus karing dakal a tau king kapamilatan da ring talimhaga. Ngana,

Mateo 24:32

Sukat kayung mika lisyun king tanaman a higera. Neng sasagiwa ya sanga at lalsut ya tulud balu yu king ing kaleldo malapit na.

Marcos 12:1

Tiglus nang Jesus ing pamagsalita na, oneng ngeni king kapamilatan da ring talimhaga. Ngana, Ating metung a taung menanaman ubas king marangle na at bekuran ne. Kinulkul ya namang pibilianan para king pipapaslan ubas at mitalakad ya namang metung a matas a pipagbanten. Kaybat na nita, pepanibala ne iting ubasan karing kasamak na at minta ya king aliwang bansa.

Marcos 12:12

Pigkapilitan da ring pamuntuk da ring Judio ing parakap de uling aulata ra king ila ding pamaramdaman na kaniting talimhaga. Uli na ning takut da karing tau, e re teginan at meko la.

Marcos 3:23

Uli na nita, pepalapitan na lang Jesus ding tau at selitanan na lang mapilan a talimhaga. Ngana, Makananu neng palualan Satanas i Satanas?

Marcos 4:13

Kaybat, kitnan na lang Jesus, E ye pa aintindian ing talimhagang binie ko? Makananu yu lang aintindian ding aliwa pang talimhaga?

Marcos 4:33

Menaral ya i Jesus karing tau king kapamilatan da ring dakal a talimhagang kalupa da reti, ketang abut dang aintindian.

Lucas 12:41

Kitang nang Pedro, Ginu, sasabian ye iting talimhaga para kekami o para karing sabla?

Lucas 8:10

Nganang mekibat Jesus, Miyabie kekayu ing beluan tungkul karing lihim ning Kayarian ning Dios, oneng miyabie karing aliwa king kapamilatan da ring talimhaga ban kanita lumawe la man e la manakit, at makiramdam la man oneng e la makaintindi.

Juan 16:25

Sinabi ku la kekayu deting bage king kapamilatan da ring talimhaga. Oneng datang ing panaun a e na ku magsalita kekayu king kapamilatan da ring talimhaga, nune magsalita kung malino kekayu tungkul king Ibpa.