Mateo 12:3 - Ing Mayap a Balita Biblia

³ Nganang mekibat Jesus, E yu pa wari abasa ing depat nang David at ding kayabe na inyang meranup la?

Mateo 12:3 Iomraidhean Croise

Levitico 10:20

Mipanatag ya lub i Moises inyang dimdam na iting sinabi nang Aaron.

Mateo 12:2

Ngara kang Jesus inyang ikit da iti ding Pariseo, Lawan mu ing gagawan da ring alagad mu. Labag king kekatamung Kautusan ing gawan da yan king Aldo ning Sabbath!

Mateo 12:4

Linub ya at ding kayabe na king bale na ning Dios at mengan la king tinape a miyain king Dios. Labag king Kautusan ing mangan king tinapeng ita, uling bukud mung ding pari ilang atin karapatan mangan kaniti.

Mateo 12:5

E yu munaman wari abasa king Kautusan nang Moises king neng Aldo ning Sabbath ding pari king Templo e la tutupad king kautusan tungkul king Sabbath, makanyan man ala lang pakibatan?

Mateo 19:4

Nganang mekibat Jesus, E ye pa wari abasa ing anti kaniting kasulatan? Kanitang kamumulan ing Miglalang gewa na lang lalaki at babai.

Mateo 21:16

Inya ngara kang Jesus, E mu daramdaman ing sasabian da? Pekibat nang Jesus karela, Daramdaman ku. E ye pa wari abasa iting Kasulatan a sasabing: Karing asbuk da ring anak at bingut pepayagkas mu ing ganap a kapurian?

Mateo 22:31

Tungkul naman king pamaniubling mebie, e yu pa wari abasa ing sinabi na kekayu ning Dios? Sinabi na,

Marcos 12:10

E ye pa wari abasa iting kasulatan? Ing batung e ra buri ding manalakad bale ya ing meging batung pamuntuk.

Marcos 12:26

Tungkul naman king pamaniubli rang mebie ding mete, e ye pa wari abasa king Libru nang Moises itang dake babanggit king milalablab a tanaman? Makasulat karin ing sinabi na ning Dios kang Moises. Ngana, Aku ing Dios nang Abraham, ing Dios nang Isaac, at ing Dios nang Jacob.

Lucas 10:26

Pekibat nang Jesus, Nanu wari ing makasulat king Kautusan? Nanu ing aintindian mu kareti?

Lucas 6:3

Pekibatan na lang Jesus, E yu pa wari abasa ing depat nang David at ding kayabe na inyang meranup la?