Mateo 11:3 - Ing Mayap a Balita Biblia

³ Ngarang kinutang kang Jesus, Sabian yu na mo kekami nung ikayu itang datang a amanuan nang Juan o kailangan ke pang manayang aliwa?

Mateo 11:3 Iomraidhean Croise

Genesis 12:3

Bendisyunan ku la ding mamendisyun keka, oneng isumpa ku la ding maniumpa keka. At kapamilatan mu bendisyunan ku la ding sablang bansa.

Genesis 3:15

Mikasama kayu ning babai; milaban la ding anak na at ding anak mu. Lasawan de ring anak na ing buntuk mu, at tuktukan mu no man ding sakung da.

Genesis 49:10

E ya mako misan man ing setro kang Juda ni ing simbulu ning kayupayan na. Angga king datang ya itang talan king setro mu a sukat dang pamintuan ding tau.

Ding Dalit 118:26

Itang daratang king lagyu ning Ginu, bendisyunan ne sa; ibat king Templo tanggap yang bendisyun!

Isaias 7:14

Ing Ginu mismu munie yang metung a tanda para kekayu. Muktut ya ing metung a kayanakan a babai at manganak yang metung a lalaki at ing maging lagyu na Immanuel.

Hosea 3:5

Oneng datang ing panaun at pasibayu lang magbalik king Ginung karelang Dios at king metung a lahi nang David a karelang ari. Potang datang ne ing aldong ita, mika takut la king Ginu at tanggapan da ing kayapan na.

Obadias 1:21

Ding matagumpe lalaki ning Jerusalem lusuban de at pamahalan ing Edom. At ing Ginu mismu ya ing maging karelang ari.

Mikeas 5:2

Nganang sasabi ning Ginu, Betlehem Efrata, metung ka karing malating diling balen na ning Juda, oneng keka ya lunto ing metung a manimuna para king Israel. Malyaring akit me ing pamilya na king metung a pamilyang atyu na kanita pang minumang panaun.

Hageo 2:7

Ibagsak ku la ding sablang bansa at midala la keti ding karelang pibandian at kumatmu yang pibandian ing Templo.

Zacarias 9:9

Magsaya kayu, memalen ning Zion! Kulisak kayu king tula, ikong tau Jerusalem! Lawan yu, daratang ya kekayu ing kekong ari! Daratang yang kayabe ing tagumpe, oneng mapagpakumbaba ya at metung yang asno ing sasaken na, metung yang biseru, anak ning gaindung asno.

Malakias 3:1

Nganang mekibat ning Ginung Mayupaya, Iparala ke ing kanakung tubud ban isadia ne ing dalan para kanaku. At bigla yang datang king Templo na ing Ginung kekayung panintunan. Datang ya ing tubud a buri yung akit at sabian ne ing kakung kasunduan.

Malakias 4:2

Oneng ikayung mamintu kanaku, ing upaya ning pamagligtas ku sunlag ya kekayu anti ing aldo at dinan na kayung kapaldanan ning sala na. Maging malaya kayu at masaya antimo ding biserung tupa a pepalualan da king kural.

Ding Bilang 24:17

Akakit ke, oneng ali ke ngeni; akakit ke, oneng e king malapit. Ating metung a batuin a lunto king Israel, at talakad ya karin ing metung a setro; ya ing lumaso karing buntuk nang Moab at gumisan karing sablang anak nang Set.

Mateo 11:10

Uling i Juan ya itang sasabian na ning kasulatan: Oyan ing tubud ku, ngana ning Dios, itubud keng makapauna keka ba nang isadia ing dalanan mu.

Mateo 11:4

Nganang mekibat Jesus, Magbalik na kayu at sabian yu kang Juan ing kekayung daramdaman at akakit:

Mateo 21:5

Sabian yu king siudad ning Zion: Lawan mu, daratang ya keka ing kekang ari. Mapagpakumbaba ya at makasake ya king metung a asno, at king metung a biseru, ing biseru ning asno.

Mateo 21:9

Ding tutung dakal a taung lalakad makauna kang Jesus at ding atyu king kagulutan na sinabi rang masikan: Purian ya ing Anak nang David! Bendisyunan ne sa ning Dios ing daratang king lagyu na ning Ginu! Purian ya ing Dios!

Marcos 11:9

At ding taung mumuna at ding makatauli kang Jesus kukulisak da, Purian ya ing Dios! Bendisyunan ne sa ning Dios ing daratang king lagyu na ning Ginu!

Lucas 19:38

Ngara, Bendisyunan ne sa ning Dios a daratang king lagyu na ning Ginu! Kapayapan karin banua at ligaya king Dios!

Juan 11:27

Nganang mekibat, Wa, Ginu, paniwalan ku king ika ing Cristo, ing Anak ning Dios a datang keti king yatu.

Juan 12:13

Memangua lang sangang palma at linual la ba reng salubungan. Ngarang kukulisak, Purian ya ing Dios! Bendisyunan ne sa ning Dios ing daratang king lagyu ning Ginu!

Juan 16:14

Paligayan na ku uling manibatan kanaku ing sablang sabian na kekayu.

Juan 4:21

Nganang Jesus, Babae, maniwala ka kanaku, datang ing oras nung kapilan ding tau e re samban ing Ibpa keting bunduk o king Jerusalem man.

Juan 6:14

Ngarang sinabi inyang ikit da ring tau ing milagrung depat na, Tune pin ya ing Propeta a datang keti king yatu!

Juan 7:31

Makanyan man dakal la karing tau ding meniwala kang Jesus at ngarang sinabi, Potang datang ne ing Cristo, gawa ya kayang dakal pang milagru kesa karing gewa na ning taung iti?

Hebreo 10:37

Uling ing Kasulatan sasabian na, King saguli mung penandit, miras ne itang mipangakung datang; e na malambat datang ne.