Mateo 10:4 - Ing Mayap a Balita Biblia

⁴ i Simon a aktibista, at i Judas Iscariote, ing migtaksil kang Jesus.

Mateo 10:4 Iomraidhean Croise

Mateo 26:14

Kanita ing metung karing labing adua, itang milagyuan Judas Iscariote, mekikit ya karing pamuntuk da ring pari.

Mateo 26:15

Nganang kinutang karela, Nanung ibie yu kanaku nung saupan da kayung makarakap kang Jesus? Beyaranan deng atlung pulung salaping pilak.

Mateo 26:2

Antimo ing balu yu, adua na mung aldo Piesta na na ning Pamaglagpus at mipanganiaya ya ing Anak ning Tau ban mipaku ya king krus.

Mateo 26:47

E pa man meyaring magsalita i Jesus, dinatang ya i Judas, ing metung karing labing adua. Kayabe na la ding dakal a taung magdala-dalang espada at palupalu. Ibat la karing pamuntuk da ring pari at karing makatua na ning balen.

Mateo 27:3

Inyang ikit nang Judas a migtaksil kang Jesus king miyatulan yang kamatayan i Jesus, sinisian na ing depat na. Sibli na la ding atlung pulung salaping pilak karing pamuntuk da ring pari at karing makatua na ning balen.

Marcos 14:10

Kaybat na nita, i Judas Iscariote, ing metung karing labing adua, minta ya karing pamuntuk da ring pari ba neng ipanganiaya i Jesus.

Marcos 14:43

Magsalita ya pa i Jesus inyang i Judas, ing metung karing labing adua, dinatang ya; kayabe na la ding dakal a taung magdalang espada at palupalu. Deti tubud lang ibat karing pamuntuk da ring pari, karing talaturu ning Batas, at karing makatua na ning balen.

Lucas 22:3

Kanita linub ya i Satanas kang Judas a mayayaus Iscariote, ing metung karing labing adua.

Lucas 22:47

Magsalita ya pa i Jesus inyang dinatang la ding dakal a tau; panimunan na la ning taung milagyuan Judas, ing metung karing labing adua. Lepitan ne i Jesus ba neng uman.

Juan 13:2

Kasulu na lang Jesus ding alagad na king apunan. Alulan na na ning diablo king isip nang Judas Iscariote a anak nang Simon ing pamagtaksil kang Jesus.

Juan 6:64

Oneng ating mapilan kekayu a e maniwala. (Uling manibat king kapupurmeruan balu nang Jesus nung ninu ding e maniwala at nung ninu ing magtaksil keya.)

Juan 6:71

Ing amanuan na ya i Judas; ing anak nang Simon Iscariote. Metung ya i Judas karing labing adua; at ya ing magtaksil kang Jesus.

Ding Dapat 1:13

Inyang miras la king siudad, tinaglus lang menik ketang kuartung karelang pitutuknangan: i Pedro, i Juan, i Santiago, i Andres, i Felipe, i Tomas, i Bartolome, i Mateo, i Santiago a anak nang Alfeo, i Simon a aktibista, at i Judas a anak nang Santiago.

Ding Dapat 1:25

ban kuma king kasuyuan at panga-apostol a peinggulutan nang Judas a minta ketang lugal a pangaintuliran na.