Mateo 10:2 - Ing Mayap a Balita Biblia

² Ila deti ring lagyu da ring labing aduang apostol: i Simon (a mayayaus Pedro) at i Andres a kapatad na; i Santiago at i Juan a kapatad na, ding anak nang Zebedeo;

Mateo 10:2 Iomraidhean Croise

Mateo 17:1

Kalabas da ring anam a aldo, tiki neng Jesus i Pedro ampon ding mikapatad a Santiago at Juan; dela na la king metung a matas a bunduk nung nu la makapagdili-dili.

Mateo 20:20

Linapit ya kanita kang Jesus ing asawa nang Zebedeo; kayabe na la ding adua nang anak a lalaki. Uling atin yang buring aduan dinuku ya arapan na.

Mateo 26:37

Oneng tiki ne i Pedro at ding adua nang anak Zebedeo. Megumpisa neng detangan ning maragul a lungkut at pagsalbat.

Mateo 4:18

King pamaglakad nang Jesus king lele ning Dagat-dagatan ning Galilea, ikit na la ding mikapatad a manasan, i Simon a meyaus Pedro, at i Andres a kapatad na; mibabaldug lang lambat king dagat-dagatan.

Mateo 4:21

Sinulung na pa ing pamaglakad na at ikit na la ding adua pang mikapatad a anak nang Zebedeo, i Santiago at i Juan; atyu la king karelang bangka at kayabe re i tata ra. Sasadia da la ring karelang lambat. Inaus na la naman deti.

Marcos 1:29

Kanita mu rin meko ya king sinagoga i Jesus at ding alagad na at tinaglus la king bale da ri Simon at Andres. Kayabe da la ri Santiago at Juan.

Marcos 13:3

Kabang makalukluk ya i Jesus king Bunduk ding Olibo, tulid ning Templo, lihim deng kitnan di Pedro, Santiago, Juan, at Andres.

Marcos 6:30

Migbalik la ding apostol at belita da kang Jesus ing sablang arapat da at tiru.

Lucas 11:49

Uli na niti, ing Kabiasnan na ning Dios sasabian na, Parala kung propeta karela at tubud; paten da la ring aliwa at lupigan da na la man ding aliwa pa.

Lucas 22:14

Inyang miras na ing oras, linukluk ya i Jesus king lugal na king lamesa at ding apostol.

Lucas 22:8

Inutusan na lang Jesus di Pedro at Juan. Ngana karela, Mako na kayu at isadia yu ing kekatamung apunan para king Pamaglagpus.

Lucas 5:10

Makanyan ya namang mengapamulala i Santiago at i Juan a anak nang Zebedeo at kayabe nang Simon. Nganang Jesus kang Simon, E ka tatakut, manibat ngeni manasan kang tau.

Lucas 9:10

Migbalik la ding apostol at belita ra kang Jesus ing sablang depat da. Tiki na la at ila mung kayabe nang minta king balen ning Betsaida.

Juan 12:22

Pintalan neng Felipe i Andres at sinabi na iti keya. At linapit la ilang adua kang Jesus at sinabi ra iti.

Juan 13:23

Makahilig yang malapit kang Jesus ing pakamalan nang dili karing alagad na.

Juan 20:2

Inya milayi ya at minta kang Simon Pedro at king aliwang alagad a pakamalan nang Jesus. Ngana karela, Kinua re king kutkutan ing Ginu at e mi balu nung nu re binili!

Juan 21:2

Miyabe-abe la di Simon Pedro, Tomas (ing mayayaus Kambal), Nathanael a tau Cana, Galilea, ding anak nang Zebedeo, at ding adua pa karing alagad nang Jesus.

Juan 21:20

Melikid ya i Pedro at ikit ne king kagulutan na ing alagad a pakamalan nang Jesus; ya itang linapit king salu nang Jesus inyang mag-apunan la at kinutang, Ginu, ninu ing magtaksil keka?

Juan 21:24

Iti ya ing alagad a patutu tungkul kareting bage at ya naman ing sinulat kareti at balu mi king tutu ing sasabian na.

Juan 6:67

Inya sinabi nang Jesus karing labing adua, Ikayu, bisa kayu namang mako?

Juan 6:70

Pekibat nang Jesus, E ra kayu wari pinili ikayung labing adua? Makanyan man ing metung kekayu diablo ya!

Juan 6:71

Ing amanuan na ya i Judas; ing anak nang Simon Iscariote. Metung ya i Judas karing labing adua; at ya ing magtaksil kang Jesus.

Juan 6:8

Ing metung karing alagad, i Andres a kapatad nang Simon Pedro, sinabi na,

Ding Dapat 1:13

Inyang miras la king siudad, tinaglus lang menik ketang kuartung karelang pitutuknangan: i Pedro, i Juan, i Santiago, i Andres, i Felipe, i Tomas, i Bartolome, i Mateo, i Santiago a anak nang Alfeo, i Simon a aktibista, at i Judas a anak nang Santiago.

Ding Dapat 1:26

Kaybat na nita, mibagutan la karing lagyu da ring adua katau. At mebagut ya ing kang Matias, at ya ing digdag da king grupu da ring labing metung a apostol.

Ding Dapat 12:2

Pepatabtab ne batal i Santiago, ing kapatad nang Juan.

Ding Dapat 3:1

Misan a aldo, papunta la king Templo di Pedro at Juan. Alas tres na ning gatpanapun kanita; oras para king pamanalangin.

1 Corinto 15:7

Pepakit ya kang Santiago at kaybat karing sablang apostol.

Efeso 4:11

Ya ing minie regalu karing tau; binie na karing aliwa ing maging apostol la, karing aliwa naman ing maging propeta la, ding aliwa naman ing maging talapanaral la, pastor at talaturu.

Hebreo 3:1

Inya, kapatad kung banal at kalupa ku namang inaus na ning Dios, ganakan ye i Jesus a tinubud na ning Dios ban maging Pekapun ding Pari na ning kasalpantayanan tamu.

1 Pedro 1:1

Ibat ya iting sulat kang Pedro, ing apostol nang Jesu-Cristo. Miparala ya para kekayung taung pinili na ning Dios a ngening kasalukuyan makakalat bilang dayuan karing probinsia na ning Ponto, Galacia, Capadocia, Asia, at Bitinia.

2 Pedro 1:1

Ibat ya iting sulat kang Simon Pedro, ing metung karing talasuyu at apostol nang Jesu-Cristo. Miparala ya kekayung dininan na ning kekatamung Dios at Talapagligtas a i Jesu-Cristo, king maulagang kasalpantayanan a kalupa na ning kekami, ketang katuliran na.

2 Juan 1:1

Ibat ya iting sulat king Matua. Miparala ya king kalugud-lugud a Ima at karing anak na a tune kung pakamalan. Aliwa mu aku ing malugud kekayu, nune pati na ding sablang makakilala king katutuan,

3 Juan 1:1

Ibat ya iting sulat king Matua. Miparala ya kang Gayo, ing pakamalan kung kakaluguran.

Kapahayagan 1:1

Iti ya ing kapahayagan na ning Dios kang Jesu-Cristo, at pepahayag na king talasuyu nang i Juan king kapamilatan na ning anghel na. Miyabie ya iting kapahayagan ban ipabalu la karing talasuyu na ning Dios ding bage a malapit nang mapalyari.

Kapahayagan 1:9

Aku i Juan, ing kapatad yung kayabe king kekayung kasakitan at king kayarian nang Jesus at king pamibabata uli na ning pangayabe kang Jesus. Inugse ra ku king pulu ning Patmos uling penaral ku ing amanu na ning Dios at minie kung patutu tungkul kang Jesus.

Kapahayagan 18:20

Magsaya ka, O banua, uli na ning pangalasak na! Magsaya kayu ikayung mepili, apostol at propeta! Inatulan na ne ning Dios uli na ning depat na kekayu!

Kapahayagan 22:8

Aku, i Juan, ing mekaramdam at menakit kareting bage. Kaybat kung dimdam at ikit ing sabla, migsakab ku ba kung samba king arap ning anghel a pepakit kanaku kareting bage.