Mateo 10:1 - Ing Mayap a Balita Biblia

¹ Inaus na lang Jesus mitipun king arap na ding labi nang aduang alagad at dininan na lang upayang makapanabi karing marawak a espiritu, at pakayap king sablang sakit at kapanamdaman.

Mateo 10:1 Iomraidhean Croise

Mateo 19:28

Nganang Jesus karela, Ini ing tandanan yu: potang mag-ari yang mitmung kaligayan ing Anak ning Tau king Bayung Panaun, ikayung labing adua a tinuki kanaku lukluk kayu naman karing labing aduang tronu ban manatul karing labing aduang tribu na ning Israel.

Mateo 26:20

Inyang mabengi na, linukluk yang mengan i Jesus a kasulu da ring labing adua.

Mateo 26:47

E pa man meyaring magsalita i Jesus, dinatang ya i Judas, ing metung karing labing adua. Kayabe na la ding dakal a taung magdala-dalang espada at palupalu. Ibat la karing pamuntuk da ring pari at karing makatua na ning balen.

Mateo 4:23

Leganasan neng pintalan Jesus ing mabilug a Galilea; tinuru ya karing karelang sinagoga at penaral na ing Mayap a Balita tungkul king Kayarian ning Banua. Pepakayap na la naman ding tau king miyayaliwa rang sakit at kapanamdaman.

Mateo 6:13

At e mu ke paisaul king mabayat a kapagsubukan, nune ikabus mu kami king Marawak.

Mateo 9:35

Leganasan na la ngan delawan Jesus ding balen ampon ding baryu. Tinuru ya karing karelang sinagoga, penaral na ing Mayap a Balita tungkul king Kayarian ning Banua, at pepakayap na la ding tau king nanu pa mang sakit at kapanamdaman da.

Mateo 9:38

Uli na niti, ipanalangin yu king makibandi king palutan king parala yang talapagobrang tumipun king pupul na.

Lucas 10:19

Makiramdam kayu! Dininan da kayung kayupayan damusak karing ubingan at alakdan at maygit king upaya ning Kalaban at alang nanumang makapanasakit kekayu.

Lucas 21:15

uling dinan da kayung amanu at kabiasnan a e na agyung labanan o tutulan ning ninuman karing kekayung kalaban.

Lucas 24:49

E yu kakalinguan king aku mismu itubud ke kekayu itang pengaku nang Ibpa ku. Inya e kayu mamako king siudad anggang e yu tanggapan ing upayang ibat banua.

Lucas 6:13

Inyang mayabak na, inaus na la ding alagad na. Memili yang labing adua kareti at inaus na lang apostol:

Juan 17:2

Uling dininan meng upayang sumakup karing sablang tau ban munie bie alang angga karing sablang binie mu keya.

Juan 3:27

Mekibat ya i Juan, Alang taung makatanggap nanuman subali ketang babie ning Dios keya.

Juan 3:35

Kaluguran ne ning Ibpa ing Anak at binie na keya ing sablang bage.

Juan 6:70

Pekibat nang Jesus, E ra kayu wari pinili ikayung labing adua? Makanyan man ing metung kekayu diablo ya!

Ding Dapat 1:8

Oneng mikatmuan kayung upaya potang datang ne kekayu ing Banal a Espiritu at ikayu ding maging testigu ku king Jerusalem, king mabilug a Judea at Samaria at angga na karing wakas ning yatu.

Ding Dapat 19:15

Oneng nganang makibat karela ning marawak a espiritu, Balu ke i Jesus at akikilala kia naman i Pablo; oneng ikayu, ninu ikayu?

Kapahayagan 12:1

Kanita linto ya king banua ing metung a makapagmulalang tanda: metung yang babaing makaimalan king aldo at makatuklu babo ning bulan. At atin yang labing aduang batuin ing koronang atyu king buntuk na.