Mateo 1:12 - Ing Mayap a Balita Biblia

¹² Kaybat ning pangadala da ring Israelita anting bihag karin Babilonia, ayanak neng Jeconias i Salatiel, ayanak neng Salatiel i Zerubabel.

Mateo 1:12 Iomraidhean Croise

2 Ari 24:14

Dela na la ngang Nebucadenesar ding bihag a memalen na ning Jerusalem, ding prinsipi, ding kalang-alangnan a tau; heganagana apulu lang libu. Tiki na la naman ding lalaking mangagaling a pangamat king obra at ding pande. Ala yang tigan nung e mu ding pakakalulu.

2 Ari 25:27

Kanitang banuang meging ari ya i Evilmerodak king Babilonia, pepakit yang ganaka kang Aring Jeoiakin ning Juda king kapamilatan na ning pamaglual na kang Jeoiakin king sukulan. Milyari ita kanitang kadua nang pulu't pitung aldo ning kalabing adua nang bulan ning katlu nang pulu't pitung banua nang pangabihag Jeoiakin.

1 Cronica 3:17

Ila deti ring anak nang Jeoiakin, ing dela rang bihag ding tau ning Babilonia: Sealtiel,

Ezra 3:2

Kanita i Jesua, ing anak nang Jozadak, at ding kayabe nang pari ampon i Zerubabel, ing anak nang Sealtiel, at ding kamaganak na mitipun la ban larinan ya ing altar ning Dios at karin da dulukan ing yayain dang ain, agpang king makasulat king Kautusan nang Moises, ing tau ning Dios.

Ezra 5:2

Inya i Zerubabel a anak nang Sealtiel, at i Jesua a anak nang Jozadak, penimunan dang pasibayu ing pangatalakad na ning Templo a atyu Jerusalem. Kayabe da la at kasaup deting aduang propeta na ning Dios.

Nehemias 12:1

Iti ya ing listahan da ring pari at Levitang mibalik ibat king pangayugse a kayabe nang Zerubabel a anak nang Sealtiel at i Jesua: i Seraia, Jeremias, Ezra,

Jeremias 22:24

Ngana ning Ginu kang Aring Jeoiakin a anak nang Aring Jeoiakim ning Juda, Kabang aku ing mabie Dios, agyang ika pa ing singsing a panatak a susulud ku king wanan kung gamat, makanyan man ilukas da ka

Jeremias 22:28

Sinabi ku, Meging anti ne wari king bangang mebalbal i Aring Jeoiakin a miyugse at ala nang makibure? Ba't ya at ding anak na mebihag la at miyugse king bansang e ra bitasang balu?

Jeremias 22:30

Mitakda king taung iti ing e ya mikayanak, at e magtamgumpe kapilan man. E ya mikayanak a mag-ari king Juda, at lukluk bilang kayalili nang Aring David. Aku, ing Ginu, ing migsalita.

Hageo 1:1

King kadua nang banua ning pamag-ari nang Dario ning Persia, king mumunang aldo ning kanam a bulan, migsalita ya ing Ginu king kapamilatan ning propeta Hageo. Ing mensahi para king gobernador ne ning Juda, i Zerubabel a anak nang Sealtiel at para king matas diling katungkulan a pari, i Josue a anak nang Jeozadak.

Hageo 1:12

Kanita i Zerubabel at i Josue at ding sablang taung mibalik king pangayugse ra Babilonia, tiparan da itang sinabi na karela ning Ginung karelang Dios. Miyatdanan lang takut at pemintuan de i propeta Hageo, ing tubud na ning Ginu.

Hageo 1:14

Pepaisipan ne ning Ginu ing balang metung ban magobra ya king Templo: i Zerubabel, ing gobernador ning Juda, i Josue, ing matas dili katungkulan karing pari, at ding sablang memalen a mibalik king karelang pangayugse. Megumpisa lang megobra king Templo ning Ginung Mayupaya, ing karelang Dios,

Hageo 2:2

Sinabi na kang Hageo king sabian na kang Zerubabel, ing gobernador na ning Juda, kang Josue, ing matas dili katungkulan karing pari, at karing memalen ing anti kaniti:

Hageo 2:23

Kuanan da ka king aldong ita, Zerubabel a talasuyu ku, at gawan da kang pamuntuk a mamahala king lagyu ku. Ika ing pinili ku. Ing migsalita ya ing Ginung Mayupaya.

Mateo 1:11

Anak neng Josias i Jeconias at ding kapatad nang lalaki. Kanita milyari ing pangadala da ring Israelita anting bihag karin Babilonia.

Mateo 1:13

Ayanak neng Zerubabel i Abiud, ayanak neng Abiud i Eliakim, ayanak neng Eliakim i Azor.

Mateo 1:17

Inya heganagana, labi lang apat ding lahi manibat kang Abraham angga kang David; labi lang apat ding lahi manibat kang David angga king pangadala da ring Israelita anting bihag karin Babilonia, at labi lang apat ding lahi manibat king pangadala da ring Israelita anting bihag karin Babilonia angga king pangabait ning Cristo.

Lucas 3:27

a anak nang Joanan, a anak nang Resa, a anak nang Zerubabel, a anak nang Salatiel, a anak nang Neri,