Lucas 9:54 - Ing Mayap a Balita Biblia

⁵⁴ Inyang ikit da iti di Santiago at Juan a alagad na, sinabi ra, Ginu, buri mu ing patipa kaming api ibat banua ban masilab la dete?

Lucas 9:54 Iomraidhean Croise

2 Samuel 16:9

Nganang Abisai a anak nang Zeruia, Makamal a Ari, obat paintulutan ye iting asung mete a panagkasan na kayu? Paintulutan yu ku pung puntalan ke at tabtaban a batal.

2 Samuel 21:2

E la Israelita ding memalen na ning Gibeon; ila ring mitagan karing Amoreo. Ila ring pengakuanan dang e ra paten ding Israelita, oneng buri na lang gisanan paten Saul uli na ning maragul nang katapatan karing memalen na ning Israel at Juda.)

2 Ari 1:9

Kanita mitubud yang metung a opisyal at limang pulung sundalus kang Elias. Ikit ne ning opisyal i Elias a makalukluk king metung nang dake ning bunduk-bundukan. Ngana, Hoy, talasuyu ning Dios, parakit na kayu ning ari.

2 Ari 10:16

Nganang Jehu, Tuki ka kanaku ban akit mu nung nu anti karagul ing katapatan ku king Ginu. At miyabe lang miglakbe makasake king karwahe na.

2 Ari 10:31

Oneng e na pemintuan Jehu king mabilug nang pusu ing kautusan ning Ginu, ing Dios ning Israel. E na kewanian ing e ustung dapat nang Jeroboam a meging sangkan ning pangababad na ning Israel king pamikasala.

Ecclesiastes 3:3

Ating panaun ning pamakamate tau, at ating panaun ning pamanulu; ating panaun ning pamanlasak, at ating panaun ning pamanalakad king melasak.

Marcos 3:17

i Santiago at i Juanding anak nang Zebedeo, (deti pemalayawan na lang Boanerges, ngana wari, Bugasuk);

Lucas 9:55

Belikdan na lang Jesus at sebianan na la,

Kapahayagan 13:13

Makapagmulala ing milagrung depat na ning kaduang animal a mabagsik king akakit da ring tau uling pati api apapatipan nang ibat banua.

Kapahayagan 13:3

Balamu atin yang sugat ing metung karing buntuk na a sukat nang ikamate; oneng kinayap ya iti. Mipamulala ya ing mabilug a yatu king mepalyari at tinuki la king animal a mabagsik.