Lucas 9:5 - Ing Mayap a Balita Biblia

⁵ Nung sakaling e ra kayu tanggapan, lakuan ye ing balen a ita at ipagpag yu ing alikabuk karing bitis yu bilang tutul karela.

Lucas 9:5 Iomraidhean Croise

Nehemias 5:13

Kanita kinua ke at pigpag ing babat a ating bulsa king awakan ning imalan ku at sinabi ku karela, Anti kaniti ing daptan na kekayu ning Dios, nung e yu tuparan ing pangaku yu; ipagpag na kayu at alang mitagan nanuman king pibandian yu. At ing metung at metung king katipunan pekibat na, Amen at pinuri de ing Dios. Tiparan da ing pengaku ra.

Mateo 10:18

Ikaladkad da kayung iyarap karing gobernador at karing ari king uli ku ban ihayag yu karela at karing paganu ing Mayap a Balita.

Marcos 6:11

Nung e ra kayu buring tanggapan king metung a lugal o pakiramdaman, mako kayu karin at ipagpag yu ing alikabuk karing bitis yu bilang tutul karela!

Marcos 9:37

Ing ninumang tanggap king metung karing malating anak a deti king lagyu ku, aku ing tatanggapan na; at ing ninumang tatanggap kanaku, aliwa mu aku ing tatanggapan na nune pati na itang mitubud kanaku.

Lucas 10:16

Nganang Jesus karing alagad na, Ing ninumang makiramdam kekayu, makiramdam ya kanaku; ing ninumang tanggi kekayu, tatanggian na ku at ing ninumang tanggi kanaku, tatanggian ne itang mitubud kanaku.

Lucas 5:14

At nganang minie bilin Jesus, E mu paniabian iti kaninu man, nune munta ka king pari, palawe ka keya. Kaybat miyain kang ain antimo ing inutus nang Moises ban patunayan karing sabla king ngeni malinis na ka.

Lucas 9:4

Nu karin mang lugal a tanggapan da kayu manatili kayu king metung mung bale anggang e kayu lumipat aliwang balen.

Lucas 9:48

At sinabi na karela, Ing ninumang tanggap kaniting anak king lagyu ku, aku ing tatanggapan na at ing ninumang tatanggap kanaku, tatanggapan nia naman itang mitubud kanaku. Uling itang malating dili kekayu ya ing marangal dili.

Ding Dapat 13:51

Inya pigpag da ri Pablo at Bernabe ing alikabuk karing bitis da bilang tutul karela, at saka na la sinulung papunta Iconio.

Ding Dapat 18:6

Inyang selangsangan de at memagsalita lang miyayaliwang kapanyiran laban keya, pigpag na ing alikabuk king imalan na bilang tutul karela at ngana, Nung mipahamak kayu ala kayung pamarsalanan nune mu ing sarili yu! Ala na kung pakibatan. Manibat ngeni karing paganu ku munta.