Lucas 9:44 - Ing Mayap a Balita Biblia

⁴⁴ E yu kakalinguan ining sabian ku kekayu! Miyabie ya ing Anak ning Tau king upaya da ring tau.

Lucas 9:44 Iomraidhean Croise

2 Samuel 24:14

Nganang David, E ku balu ing daptan ku. Anti na ning malunusan ya ing Ginu, ya na ing balang mamarusa kekatamu kesa king ding memalen ilang mamarusa kanaku.

Mateo 16:21

Manibat na kanita pepakilala nang Jesus karing alagad na king kailangan yang munta Jerusalem at dumalan dakal a kasakitan king gamat da ring makatua na ning balen, ding pamuntuk da ring pari, at ding talaturu ning Kautusan, at ipapate re. Oneng king katlung aldo subli yang mie.

Mateo 26:2

Antimo ing balu yu, adua na mung aldo Piesta na na ning Pamaglagpus at mipanganiaya ya ing Anak ning Tau ban mipaku ya king krus.

Marcos 8:31

Pegumpisan na lang tirung Jesus ding alagad na. Ngana, Sukat yang dumalan dakal a kasakitan ing Anak ning Tau. Tanggian de ring makatua na ning balen, ding pamuntuk da ring pari, at ding talaturu ning Kautusan. Papate re, oneng king katlung aldo subli yang mie.

Marcos 9:31

uling kasalukuyan na lang tuturu ding alagad na. Ngana karela, Manabu ya ing Anak ning Tau karing gamat da ring makamate keya; makanyan man kaybat da ring atlung aldo subli yang mie.

Lucas 1:66

Kukutang da ring sablang mekabalita kaniti, Nanu kaya ing paintungulan na ning anak a iti? Masala king ing upaya na ning Ginu atyu keya.

Lucas 18:31

Kewani na lang Jesus ding labing adua at sinabi na karela, Lawan yu! Papunta ta na Jerusalem at karin matupad ing sablang sinulat da ring propeta tungkul king Anak ning Tau.

Lucas 2:19

Mitanam la deting bage king pamisip nang Maria at migunamgunam ya tungkul kareti.

Lucas 2:51

Kayabe reng migbalik Nazaret i Jesus. Meging mapamintu ya karela. Sinikap na ngang Maria iting bage king pusu na.

Lucas 24:44

Kaybat ngana karela, Ing amanuan ku kanitang kayabe yu ku pa ya pin iti: kailangan ing matupad ing sablang misulat tungkul kanaku king Kautusan nang Moises, karing libru da ring propeta, at karing Dalit.

Lucas 9:22

Ngana pang tinuglung, Sukat yang dumalan dakal a kasakitan ing Anak ning Tau. Tanggian de ring makatua da ring Judio, ding pamuntuk da ring pari, at ding talaturu ning Kautusan, at paten de; oneng subli yang mie king katlung aldo.

Juan 16:31

Mekibat ya i Jesus karela, Maniwala na kayu ngene?

Juan 16:4

Sinabi ku la deting bage kekayu ban nung datang na ing oras a daptan da iti, aganaka yu king sinabi ku na la kekayu. E ku la sinabi deting bage kekayu kanitang minuna uling kayabe yu ku pa.

Juan 19:11

Mekibat ya i Jesus, Atin kang upaya kanaku uling iti binie na keka ning Dios. Inya lalung mabayat ing kasalanan na nitang menganiaya kanaku keka.

Ding Dapat 2:23

Ing Dios, king sarili nang kaburian at kabiasnan, telaga na nang makapauna king miyabie ya i Jesus kekayu, at pete ye inyang peintulut yung ipaku de king krus ding e mayap a tau.

Hebreo 2:1

Iti ing sangkan nung inya lalu ta lang sukat pakaingatan ding katutuan a kekatamung dimdam ban e tamu milisia king tune dalan.