Lucas 9:43 - Ing Mayap a Balita Biblia

⁴³ Mengapamulala la ding sablang taung atyu karin king mayupaya nang dapat ning Dios. Kasalukuyan da pang mangapamulala ding tau king sablang depat nang Jesus inyang nganang sinabi karing alagad na,

Lucas 9:43 Iomraidhean Croise

Ding Dalit 139:14

Pasalamatan da ka uling kailangan kang pitakutan, at pagmumulalan ing dapat mu! Balu ku iti king mabilug kung pusu.

Zacarias 8:6

Iti balamu masakit dang paniwalan ding memalen nang mitagan ning bansa, oneng kanaku e masakit paniwalan.

Mateo 17:22

Kanitang mitipun la ngan ding alagad karin Galilea sinabi nang Jesus karela, Malapit da niang ipanganiaya ding tau ing Anak ning Tau.

Marcos 6:51

Sinake ya king bangka at tinuknang ing angin. Tutu lang mengapamulala ding alagad

Lucas 18:43

Kanita mu rin menakit ya at tinuki ya kang Jesus at pepasalamat ya king Dios. Inyang ikit da iti ding tau, pinuri de ngan ing Dios.

Lucas 4:36

Mengapamulala la ding sabla at ngara king metung at metung, Nanung klasing pamagsalita yan? King mitmung kayupayan ayuyutus na lang Jesus ding espiritung marawak at mamintu na la man keya!

Lucas 5:26

Lubus la ngan mengasdan! King mitmung takut, pinuri de ing Dios. Ngara, Makapagmulalang tutu ing ikit tamu ngeni!

Lucas 5:9

Mengapamulala ya i Simon at ding kayabe na king keraklan da ring asan a arakap da.

Lucas 8:25

Kaybat na nita, ngana karing alagad na, Nukarin ing kekayung kasalpantayanan? Oneng mipamulala la at mitakutan. Ngara king metung at metung, Ninu kaya yan? Apapamintuan na pati na ing angin at ing alun!

Lucas 9:42

Kabang lalapit ya ing anak, bitbat ne ning demonyu king gabun at pepagalgalan ne. Tinabi neng Jesus ing espiritung marawak; pepakayap ne ing anak at saka ne binie kang tatang na.

2 Pedro 1:16

King pamihayag mi kekayu tungkul king paniatang nang mitmung kayupayan ning Ginu tamung Jesu-Cristo, e kami menalig karing salitang pigawa. Ikit mi karing sarili ming mata ing ligaya na.