Lucas 9:41 - Ing Mayap a Balita Biblia

⁴¹ Nganang Jesus, Tau kekayu, keyalan yung kasalpantayanan at karagul yu kasalanan! Angga pa kapilan ing pakiabayan da kayu? Angga pa kapilan ing pibatan da kayu? Kaybat, ngana king lalaki, Idala me keni ing anak mu.

Lucas 9:41 Iomraidhean Croise

2 Ari 5:8

Inyang abalitan nang Eliseo ing gewa ning ari, nganang peparalang amanu, Obat ginabak ye ing susulud yung imalan? Papuntalan ye keni ing taung yan ban abalu na king ating propeta keti king Israel.

Ding Dalit 78:8

Kanita e la mangari karing karelang makatua; king Dios e la maging masias a buntuk at lahing mapaglaban; maging lahi lang matatag at manatiling tapat king Dios.

Exodo 10:3

Inya minta lang pasibayu king ari di Moises at Aaron. Ngara king ari, Ing Ginu, ing Dios ding Hebreo, sasabian na, Angga kaya kapilan ing e ka bisang pailalam king kaburian ku? Paburen mu na lang mako ding taung pinili ku ban makasamba la kanaku.

Exodo 16:28

Kanita ngana ning Ginu kang Moises, Angga pa kapilan ing e kayu mamintu karing utus ku?

Jeremias 4:14

Jerusalem, wasan mu ing e mayap a atyu king pusu mu ban miligtas ka. Kapilan ka kaya tuknang mimisip e mayap?

Ding Bilang 14:11

Ngana ning Ginu kang Moises, Kapilan la tuknang maninsultu kanaku deting tau? Angga kapilan la manatiling e maniwala kanaku agyang dinapat kung dakal a milagru para karela?

Ding Bilang 14:27

Angga kapilan la magreklamu laban kanaku deting e mayap a memalen na ning Israel? Bubulung lang bubulung laban kanaku.

Mateo 11:28

Lumapit kayu kanaku, ikayung sablang mapagal na at kababayatnan at dinan da kayung kapaynawan.

Mateo 12:39

Oneng nganang mekibat Jesus, Karawak da at keyalan dang Dios a katawan ding tau ning kasalukuyan a panaun! Aduananan yu kung metung a milagru! Ala! Ing bukud mung milagru a miyabie kekayu ya ing milagru na ning propeta Jonas.

Mateo 12:45

Inya mako ya at mangumbira yang pitung espiritung maygit pa karawak kesa keya. Lungub la at manuknangan karin. Inya lalung marawak kesa king sadia ing maging kabilian na ning taung ita. Makanyan munaman ing malyari karing marok a tau king panaun a kasalukuyan.

Mateo 16:4

Karawak da at keyalan katapatan king Dios ding tau king panaun a kasalukuyan! Malisuas lang maniawad milagru, oneng alang aliwang miyabie karela nune mu ing milagru nang Jonas. Meko ya kaybat nang sinabi ita.

Mateo 17:17

Nganang sinabing Jesus, Ala lang kasalpantayanan at maragul la pamagkamali ding tau ngening kasalukuyan! Angga wari kapilan ing kayabe yu ku? Angga kapilan da kayu pibabatan? Idala ye keni ing anak!

Mateo 23:36

Sasabian ku kekayu: dugpa ing parusa para karing tau king kasalukuyan a panaun!

Mateo 3:7

Oneng panakit na karing dakal a Pariseo at Saduseo a daratang ban pabinyag, ngana karela, Ikong lahing ubingan, ninu ing minutus kekayu ban takasan yu ing daratang a kaparusan?

Marcos 10:14

Inyang apansin nang Jesus iti, mimua ya at sinabi na karela, Paburen yu lang lumapit kanaku ding anak; e yu la babawalan, uling para karing anti kareti ya ing Kayarian ning Dios.

Marcos 10:49

Tinuknang ya i Jesus at sinabi na, Ausan ye. Inya inaus de ing bulag. Ngara, Magsaya ka at talakad uling payaus na ka.

Marcos 9:19

Nganang Jesus karela, Taung alang kasalpantayanan! Angga kapilan da kayu pakiabayan? Angga kapilan da kayu pibatan? Dala ye keni ing anak!

Lucas 8:25

Kaybat na nita, ngana karing alagad na, Nukarin ing kekayung kasalpantayanan? Oneng mipamulala la at mitakutan. Ngara king metung at metung, Ninu kaya yan? Apapamintuan na pati na ing angin at ing alun!

Lucas 9:40

Pekisabi ku karing alagad mu ing palualan de, oneng ala lang arapat.

Lucas 9:42

Kabang lalapit ya ing anak, bitbat ne ning demonyu king gabun at pepagalgalan ne. Tinabi neng Jesus ing espiritung marawak; pepakayap ne ing anak at saka ne binie kang tatang na.

Juan 14:9

Mekibat ya i Jesus, Felipe, kalambat yu na kung kayabe e mu ku pa balu? Ing menakit kanaku, ikit na ne ing Ibpa. Baket sinabi mung Ipakit me kekami ing Ibpa?

Juan 20:27

At saka na sinabi kang Tomas, Lawen mu la deng gamat ku at itagkil me keni ing taliri mu. Dala me keni ing gamat mu at itagkil me king katalindikingan ku. E na ka magalinlangan, maniwala na ka!

Ding Dapat 13:18

at kilub ding apat apulung banua pibata na lang inantabayanan libutad ning disyerto.

Ding Dapat 2:40

Migsalita ya pang malambat karela i Pedro king kapamilatan da ring miyayaliwang pamagmatulid, at nganang menagkat karela, Iligtas yu ing kekayung sarili king parusang daratang kaniting marawak a lahi!

Roma 2:4

Pota galang payalan mung ulaga ing maragul nang ganaka, pamanupaya, at kapibabatan? E mu wari balu king maganaka ya ing Dios uling pakikuanan na lang apabalik a lub?

Deuteronomio 32:5

Kataksilan ing karelang depat; e la meging tapat, inya e na la karapatdapat bilang anak na. Baluktut la at lahing e mayap.

Hebreo 3:19

Inya balu tamung e la milub king gabun a pengaku na karela uling e la meniwala king Dios.

Hebreo 4:11

Inya gisanan tamu ing sablang agyu tamu ba tamung milub at manakit kapaynawan. Ninuman sa kekatamu e ya makiapus king pamanialangsang da ban e ya mipahamak kalupa ra.

Hebreo 4:2

Uling kalupa da ring makatua tamu, dimdam ta ya munaman ing Mayap a Balita. Oneng ila e ra pekinabangnan ing amanung dimdam da uling e ra peniwalan.

Hebreo 7:25

Inya agyu na lang iligtas ngeni at kapilan man ding sablang lalapit king Dios king kapamilatan na, uling mabie ya kapilan man ban mamilatan king arap ning Dios para karela.