Lucas 9:34 - Ing Mayap a Balita Biblia

³⁴ Kabang magsalita ya pa, linto ya ing metung a biga at tikpan na la; mitakutan la ding alagad inyang mitulid ya karela ing biga.

Lucas 9:34 Iomraidhean Croise

Isaias 19:1

Iti ya ing mensahi tungkul king Ehipto. Mamirapal yang datang ing Ginu king Ehipto. Makasake ya king mabilis a biga. Inya galgal la arap na ding idolo da ring tau Ehipto at masira la lub ding memalen na.

Daniel 10:8

Mitagan kung magdili-dili karin a makalawe king makapagmulalang vision. Ala na kung makatagan pang sikanan at menaliwa ya itsura ing kanakung lupa; ala nang makakilala pa.

Lucas 9:33

Inyang lalakuan da ne i Jesus ding adua katau, nganang Pedro kang Jesus, Maestro, mayap ing keti ta na! Gawa tamung atlung kubu; metung para keka, metung para kang Moises, at ing metung para kang Elias. (Tune nang e balu ing sasabian na.)

Lucas 9:35

Ngana ning siwalang ibat king biga, Iti ya ing Anak ku, ing kanakung pinili, pakiramdaman ye!

Kapahayagan 1:17

Inyang ikit ke, miragsa kung anting mete king arap na. Pinatung ne kanaku ing wanan nang gamat at ngana, E ka tatakut. Aku ing Mumuna at ing Katataulian!

Ukum 13:22

Nganang Manoa king asawa na, Siguradung mate kata, uling ikit te ing Dios!

Ukum 6:22

Kanita na penamdaman Gideon king ing ikit na ya ing anghel ning Ginu at ngana king takut na, O Ginung Dios, ikit ke ing anghel yu lupa't lupa!