Lucas 9:26 - Ing Mayap a Balita Biblia

²⁶ Ing mikarine kanaku at king turu ku, pikarine nia naman ning Anak ning Tau, nung datang neng abe ning ligaya na ampon ning ligaya na ning Ibpa at ning ligaya da ring banal a anghel.

Lucas 9:26 Iomraidhean Croise

Isaias 53:3

Lepastangan de ring tau at tinggian; pibata na ing kaplas at ing kasakitan. Ala mang bisang lumawe king keyang kabilian; e ta ya pinsingan, anti yang alang kabaldugan.

Daniel 7:10

at lulual ing metung a mamagus anting batis a api. Ating libu-libung tau karin ban sumuyu at milyun-milyun la na naman ding taung pakatalakad king arapan na. Megumpisa ing pisasabian king husgadu at mibuklat la ding libru.

Mateo 16:27

Ing Anak ning Tau datang yang kayabe ning kayupayan nang Ibpa na at antabayanan de ring anghel na. King paniatang na ablasan ne ing balang metung agpang king depat na.

Mateo 25:31

Potang datang ne ing Anak ning Tau antimong Aring makamal at ding sablang anghel a kayabe na, lukluk ya king mal a tronu.

Mateo 26:64

Pekibat nang Jesus, Ikayu na mismu ing sinabi. Oneng sasabian ku kekayu ngan: manibat ngeni akit ye ing Anak ning Tau a makalukluk king banda nang wanan ning Mayupayang tutu. Datang ya libutad ding biga ning banua!

Marcos 8:38

Inya nung pikarine na ku ampon ing kanakung turu ning ninuman kaniting kapanaunan a marawak at e kikilala king Dios, pikarine nia naman ning Anak ning Tau potang datang ne king kaligayan ning Ibpa na a kayabe ding banal nang anghel.

Juan 12:43

Buri da pa ing kapurian a ibat karing tau kesa king kapurian a ibat king Dios.

Juan 5:44

Makananu kayung makapaniwala ngening pagnasan yung tanggap kapurian ibat karing tau, at e yu pagnasan ing tanggap kapurian a manibat king bukud mung Dios?

Ding Dapat 10:22

Ngarang mekibat, Tinubud na kami ning Kapitan Cornelio. Metung yang taung mayap a makitakut king Dios at gagalangan ne ning mabilug a bansang Judio. Sinabi na keya ning banal a anghel ning Dios ing kumbiran na kayung munta keta king bale na ba nang pakiramdaman ing nanumang sabian yu.

Roma 1:16

E ke pikakarine ing Mayap a Balita, uling iti ya ing upaya nang magligtas ning Dios karing sablang maniwala, muna karing Judio at antimu rin karing paganu.

2 Corinto 12:10

Inya king uli nang Cristo, e baling maina ku, maiinsultu, mipasakitan, malulupig, at magugulu. Uling nung kapilan ku maina, kanita na ku man masikan.

Galacia 6:14

Para kanaku, ing bukud mung apagmaragul ku ya ing krus na ning Ginu tamung Jesu-Cristo; uling king kapamilatan na ning krus na, ing yatu mete ne para kanaku at aku mete na ku king yatu.

1 Timoteo 5:21

King arapan na ning Dios at i Cristo Jesus at ding banal nang anghel, yuyutus ku king tuparan mu la deting panabilin king alang pamanulak o pamangabiran.

2 Timoteo 1:12

at iti ya ing sangkan nung inya magdusa ku. Makanyan man, e ku pikakarine iti uling lubus keng akikilala ing kanakung panaligan at balu ku king agyu nang ingatan ing penibala na kanaku angga king paniatang na ning Aldo.

2 Timoteo 2:12

Nung manatili tamung mibabata, makipag-ari tamu munamang kayabe na. Nung tanggian ta ya, tanggian na katamu munaman.

Hebreo 11:26

Kilala na king ing dumalan kamarinayan alang-alang king Cristo a maygit e palak a ulaga kesa king sablang pibandian na ning Ehipto; akilala na iti uling e na pitda ing lawe na king ablas ning aldo bukas.

Hebreo 13:13

Inya munta tamu kang Jesus king lual ning balen at damayan ta ya king kamarinayan a pibata na.

Judas 1:14

I Enoc, ing pangane king kapitung lahi manibat kang Adan, ya ing minie ula tungkul karela. Ngana, Lawan yu! Ing Ginu datang yang kayabe na ding libu-libung anghel a banal

Kapahayagan 1:7

Pakatandanan yu iti: datang ya libutad da ring biga. Akit de ring sabla at pati na detang tinandus keya. Tumangis la ding sablang bansa na ning yatu uli na ning depat da kang Jesu-Cristo. Iti ya ing katutuan! Amen.

Kapahayagan 20:11

Kaybat na nita, ikit ke ing metung a maragul a tronu'ng maputi at ing makalukluk karin. Mebating la king arapan na ing banua at ing yatu at e na la bitasang meyakit.

Kapahayagan 21:8

Oneng makatakut ing miras karing duag, karing taksil, karing magpasasa king e mayap, karing makamate tau, karing makipangalugud, karing mangkukulam, karing sasambang idolo, at karing sablang malaram. Miyugse la king dagat-dagatan na ning api at asupri; ing kaduang kamatayan.

Kapahayagan 3:5

Mipaimalanan lang maputi ding magtagumpe at e ku la ilako ding lagyu ra king libru na ning bie. Kilalanan ku ing kanaku la king arap ning Ibpa ku at king arap ding anghel na.