Lucas 9:25 - Ing Mayap a Balita Biblia

²⁵ Atin ya waring apakinabangnan ing tau nung maging bandi ne ing mabilug a yatu oneng mipahamak ne man ing mismung bie na? Tune ala!

Lucas 9:25 Iomraidhean Croise

Mateo 13:48

Inyang mabayat ne, ginuyud deng sinaka ding magliligo king pampang. Linukluk la at pikakawani da la ring asan: tinipun da la ring mayap a asan karing karelang lulanan, at inugse da la ring e ra malyaring apangan ding tau.

Mateo 13:50

at iyugse da la king mapaling ornu. Karin la tumangis at mitigis a ipan.

Mateo 16:26

Nanung apala na ning tau nung abandi ne ing mabilug a yatu oneng mawala naman ing bie na? Kabud mete ya ing tau, ala yang arapat nanuman para abawi na ing bie na.

Marcos 8:36

Atin ya waring apala ing tau nung abandi ne ing mabilug a yatu oneng mawala ne man ing bie na?

Ding Dapat 1:18

Karing salaping tinggap nang Judas para king kataksilan na sinali yang kapirasung gabun at ya namang lugal a kematayan na; menabu yang mumuna buntuk, mitdas ya atian at linual ing heganaganang bituka na.

Ding Dapat 1:25

ban kuma king kasuyuan at panga-apostol a peinggulutan nang Judas a minta ketang lugal a pangaintuliran na.

1 Corinto 9:27

Pasakitan ke ing katawan ku king tumbuk at pailalam ke king ganap a pamangawat, magkang kaybat kung menaral karing aliwa, aku mismu e ku matanggap.

Hebreo 10:34

Demayan yu la ding mesukul king kasakitan da, at inyang ing sablang pibandian yu mesamsam, tinggap yung matula, uling balu yu king atin pang pibandian a lalung mayap at alang kayangganan.