Lucas 9:23 - Ing Mayap a Balita Biblia

²³ At sinabi na naman karela ngan, Nung ing ninuman bisa yang tuki kanaku, kalinguan na ing sarili na, pusanan ne ing krus na aldo-aldo, at tuki ya kanaku.

Lucas 9:23 Iomraidhean Croise

Roma 8:13

Uling mate kayu nung mibiebie kayu ketang agkat na ning katutubung pangatau; nung king agkat na ning Espiritu papaten yu ing e mayap nang pamitan ning katawan, mie kayu.

Colosas 3:5

Uli na niti, kailangan yung paten ing sablang agkat na ning yatu a atyu kekayu: ing pamakipangalugud, ing kanongan, ing kalibian, ding e mayap nang pamitan ning laman, at ing kasakiman (uling ing kasakiman metung yang anyu ning pamanyamba karing idolo).

2 Timoteo 3:12

At ding sablang magnasang mie banal bilang talatuki nang Cristo Jesus dumalan lang pangalupig.

Tito 2:12

Ing grasya na ya ing turu kekatamu ban lakuan tamu ing e mayap a pamibiebie at ing agkat na ning yatu. Uli na niti, mabibie tamung biasang mamigil king sarili, mitmung dangalan at kabanalan king yatu

Hebreo 13:13

Inya munta tamu kang Jesus king lual ning balen at damayan ta ya king kamarinayan a pibata na.