Lucas 9:22 - Ing Mayap a Balita Biblia

²² Ngana pang tinuglung, Sukat yang dumalan dakal a kasakitan ing Anak ning Tau. Tanggian de ring makatua da ring Judio, ding pamuntuk da ring pari, at ding talaturu ning Kautusan, at paten de; oneng subli yang mie king katlung aldo.

Lucas 9:22 Iomraidhean Croise

Genesis 3:15

Mikasama kayu ning babai; milaban la ding anak na at ding anak mu. Lasawan de ring anak na ing buntuk mu, at tuktukan mu no man ding sakung da.

Daniel 9:26

At king kawakasan ning panaun a ita paten de ing pamuntuk a pinili ning Dios king paralan a e makatuliran. Malasak ya ing siudad at ing Templo king kapamilatan da ring dakal a sundalung lulusub ning metung a mayupayang pamuntuk. Ing kawakasan datang anti ing albug, darala na ing gera at kasiran a sidia ning Dios.

Zacarias 13:7

Sasabian na ning Ginung Mayupaya, Espada, migising ka at dalusungan me ing pastul a makipagobra kanaku! Paten me at misambulat la ding tupa. Lusuban ku la ding kanakung memalen

Mateo 17:12

Oneng sasabian ku kekayu: dinatang ne i Elias, oneng e re akilala ding tau. Depat da kang Elias itang buri dang daptan. Makanyan munaman ing dalanan na ning Anak ning Tau.

Mateo 17:22

Kanitang mitipun la ngan ding alagad karin Galilea sinabi nang Jesus karela, Malapit da niang ipanganiaya ding tau ing Anak ning Tau.

Mateo 27:63

at ngara, Ginung Gobernador, atatandanan mi pu ing sinabi na nitang mapaglinlang a ita kanitang mabie ya. Sinabi na king subli yang mie kaybat da ring atlung aldo.

Marcos 8:31

Pegumpisan na lang tirung Jesus ding alagad na. Ngana, Sukat yang dumalan dakal a kasakitan ing Anak ning Tau. Tanggian de ring makatua na ning balen, ding pamuntuk da ring pari, at ding talaturu ning Kautusan. Papate re, oneng king katlung aldo subli yang mie.

Marcos 9:31

uling kasalukuyan na lang tuturu ding alagad na. Ngana karela, Manabu ya ing Anak ning Tau karing gamat da ring makamate keya; makanyan man kaybat da ring atlung aldo subli yang mie.

Lucas 17:25

Oneng kailangan ya pa mung dumalan dakal a kasakitan at tanggian de ring tau king kasalukuyan.

Lucas 24:26

E wari kailangan king ing Cristo dumalan ya king sablang bage iti bayu ya lungub king Kayarian na?

Lucas 24:44

Kaybat ngana karela, Ing amanuan ku kanitang kayabe yu ku pa ya pin iti: kailangan ing matupad ing sablang misulat tungkul kanaku king Kautusan nang Moises, karing libru da ring propeta, at karing Dalit.

Lucas 24:7

Ing Anak ning Tau kailangan yang miyabie karing taung makasalanan, mipaku ya king krus at subling mie king katlung aldo.

Lucas 9:44

E yu kakalinguan ining sabian ku kekayu! Miyabie ya ing Anak ning Tau king upaya da ring tau.

1 Corinto 15:4

king mikutkut ya at sinubling mebie king katlung aldo; antimo ing mababasa king Kasulatan;

1 Pedro 1:11

Sinuri da ing panaun at paralan na ning paniatang na niti. Ing Espiritu nang Cristo a atyu karela ya ing tutuldu kaniting panaun, uling iting Espiritu ya ing pepabalung makapauna karela tungkul king kasakitan a sukat nang dalanan Cristo at king kaligayan a salisi.