Lucas 9:2 - Ing Mayap a Balita Biblia

² Tiburan na la namang manaral tungkul king Kayarian ning Dios at pakayap karing masakit.

Lucas 9:2 Iomraidhean Croise

Mateo 10:5

Tinubud na lang Jesus at penabilinan na lang anti kanini: E kayu lulub king sakup ding paganu ni e kayu lulub king sasakupan ning Samaria,

Mateo 13:19

Detang makiramdam king amanu tungkul king Kayarian ning Banua oneng e ra paki-intindian, kalupa da la ring bining digpa king dalan-dalanan. Paniatang na ning Marawak sasagmitan na itang mitanam karing pusu ra.

Mateo 24:14

At ing Mayap a Balita tungkul king Kayarian mipanaral ya king mabilug a yatu ba reng akilala ding sablang bansa. Datang na kanita ing kawakasan.

Mateo 3:2

Nganang menaral: Sumisi kayu at painggulut karing kasalanan yu, uling malapit ne ing Kayarian ning Banua.

Marcos 16:15

At sinabi nang Jesus karela, Munta kayu king mabilug a yatu at panaral ye ing Mayap a Balita karing sablang tau.

Marcos 6:12

Meko la ding labing adua at penaral da karing tau ing sukat lang sumisi at painggulut karing karelang kasalanan.

Lucas 10:1

Kaybat na nita, memili yang pitung pulu't adua katau ing Ginu, at tinubud na lang tidua-tidua ban munta na lang mumuna keya king balang lugal a puntalan na.

Lucas 10:11

Agyang ing alikabuk ning balen yu a mipakat karing bitis mi ipagpag ming antimong tutul kekayu; oneng tandanan yu iti, ing Kayarian ning Dios malapit ne kekayu!

Lucas 10:9

Pakayapan yu la ding masakit karin at sabian yu karela, Ing Kayarian ning Dios malapit ne kekayu.

Lucas 16:16

Ing Kautusan nang Moises at ing sinulat da ring propeta mipairal angga mu ketang panaun a dinatang ya i Juan a Maminyag. Manibat na kanita, mipanaral ne ing Mayap a Balita tungkul king Kayarian ning Dios, at ing balang metung magkapilit yang milub kaniti.

Lucas 9:11

Inyang abalu ra iti ding dakal a tau tinuki la kang Jesus. Tinggap na la at selitanan tungkul king Kayarian ning Dios, at pepakayap na la ding sablang sukat pakayapan.