Lucas 9:19 - Ing Mayap a Balita Biblia

¹⁹ Mekibat la, Sasabian da ring mapilan king ika kanu i Juan a Maminyag. Ding aliwa sasabian da king ika kanu i Elias. Ding aliwa naman sasabian da king sinubli yang mebie ing metung karing propeta ning minunang panaun.

Lucas 9:19 Iomraidhean Croise

Malakias 4:5

Oneng itubud ke pa kekayu ing propeta Elias bayu datang iting maragul at makatakut a aldo ning Ginu.

Mateo 14:2

At nganang sinabi karing opisyal na, Iti ya mismu i Juan a Maminyag a sinubling mebie, inya agagawa na la deting milagru!

Mateo 3:1

King panaun a ita, linual ya at menaral i Juan a Maminyag king disyerto karin Judea.

Marcos 6:14

Uling tutu yang pikabaluan a lagyu i Jesus, miras kang Herodes ing balita tungkul keya. Ating sasabing, Ya i Juan a Maminyag a sinubling mebie, inya ararapat na la deting makapagmulalang bage.

Marcos 6:15

Atin namang sasabi, Ya i Elias. Ngara naman ding aliwa pa, Propeta yang kalupa da ring propeta kanitang minunang panaun.

Lucas 9:18

Misan, kabang manalangin yang dili-dili i Jesus, lepitan de ring alagad. Ninu aku agpang king sasabian da ring dakal a tau? nganang kinutang Jesus karela.

Lucas 9:20

Nganang kinutang karela, O ikayu naman, para kekayu, ninu aku? Mekibat ya i Pedro, Ika ing Cristo ning Dios.

Juan 1:21

Kitnan deng pasibayu, Nung makanyan, ninu ika? Ika i Elias? Pekibat nang Juan, Aliwa aku. Kitnan da ne naman, Ika ing Propetang panenayan me? Aliwa, nganang mekibat Juan.

Juan 1:25

Kitnan da ne naman i Juan, Baket maminyag ka ngening aliwa pala ika ing Cristo o i Elias o ing Propeta?

Juan 7:40

Dakal la ding taung mekaramdam kaniti at sinabi ra, Tune pin ya ing Propeta!

Juan 9:17

Inya pasibayu deng kitnan ing sadiang bulag. Ngara, Ika naman, nanu ing asabi mu tungkul keya anti na ning pepasala na la ding mata mu? Pekibat na, Propeta ya.