Lucas 9:16 - Ing Mayap a Balita Biblia

¹⁶ Kinua na lang Jesus ding limang tinape at aduang asan; tinalanga ya banua at pepasalamat ya king Dios para kareti. Pirasu na la at saka na la diwang karing alagad ban ipamie da la karing tau.

Lucas 9:16 Iomraidhean Croise

Mateo 14:19

Pepaluklukan na la king dikut ding tau; kinua na la ding limang tinape at aduang asan; tinalanga ya banua at pepasalamat ya king Dios. Pemirasu na la ding tinape at inutus na karing alagad king pamie da la karing tau.

Mateo 15:36

Kinua na la ding pitung tinape ampon ding asan at kaybat nang mekapasalamat king Dios pemirasu na la ding tinape at asan, at binie na la karing alagad. Ding alagad naman pemie da la karing tau.

Marcos 7:34

Kaybat tinalanga ya banua i Jesus; mengisnawa yang malalam at sinabi na king tau, Ephphatha, ngana wari, Mibuklat kayu!

Lucas 22:19

At kinua ne ing tinape at kaybat nang mekapasalamat king Dios, pemirasu ne ing tinape at binie ne karela. Ngana, Iti ya ing katawan ku [a miyain para kekayu. Daptan yu iti king kapigaganakan kanaku.

Lucas 24:30

Inyang kasulu da ne king pamangan, kinangwa yang tinape at pepasalamat ya king Dios; at pemirasu ne ing tinape at binie ne karela.

Lucas 9:15

Memintu la ding alagad at pepaluklukan da la ring sabla.

Lucas 9:17

Mengan la ngan at kinabsi la. Labi lang aduang kaing ding akatmu da ring alagad inyang tinipun da la ring tagan karing mengapirasung tinape.

Juan 6:11

Kinua na lang Jesus ding tinape at inyang mekapasalamat ne king Dios, pemie na la karing pakalukluk. Makanyan munaman ing gewa na karing asan. Mirinan la ngan ding tau anggang bisa la.

Juan 6:23

Oneng ating mapilan a bangkang menibatan Tiberias a sinadsad malapit king lugal nung nu da la pengan ding tinape kaybat nang pepasalamat ning Ginu.

Ding Dapat 27:35

Kaybat nang asabi iti, kinangwa yang mapilan a tinape. Pepasalamat ya king Dios king durungutan da; pirasu ne ing tinape at megumpisa yang mengan.

Roma 14:6

Ing ninumang paulaga king isanu mang aldo daraptan na iti bilang parangal king Ginu; ita namang alang pangilinan a pamangan daraptan na iti bilang parangal king Ginu uling balu nang pasalamatan king Dios ing kakanan na. Ninuman ing e bisang mangan karing mapilan a bage, daraptan na iti bilang parangal king Ginu at ya man biasa yang munie pasalamat king Dios.

1 Corinto 10:30

Nung pasalamatan ke ing Dios king kanakung pamangan, obat ininsultuan na ku ning ninuman tungkul king pamangan a kanakung pasalamatan?

1 Corinto 11:24

pepasalamat ya king Dios, pemirasu ne ing tinape at ngana, Iti ya ing katawan ku a miyain para kekayu. Daptan yu iti bilang kapigaganakan kanaku.

1 Samuel 9:13

Akit ye kalub yu king balen bayu ya munta king lugal a pisasamban ban mangan. E la mangan ding tau anggang e ya datang uling kailangan ne pa mung bendisyunan ing ain-sakripisyu; kaybat kanita la pa mu mangan detang mekumbira. Lumakad na kayu ban agad yeng akit.