Lucas 8:47 - Ing Mayap a Balita Biblia

⁴⁷ Ikit na ning babai king merakap ya, inya migtapat ya at gagalgal yang migsakab king arap nang Jesus. King arapan da ring sabla pigtapat na nung baket tigkilan ne at nung makananu yang kinayap agad-agad.

Lucas 8:47 Iomraidhean Croise

Ding Dalit 2:11

suyuan ye't pitakutan ing Ginu, tumula kayu at galgal; kekayu yang suyuan, nung ali mimua ya at magisan ko ngan; uling tutu yang mayan mimua. Mapalad la ding sablang lalapit pasaup king Ginu.

Ding Dalit 38:9

O Ginu, kakung kapagnasan balu mu; e makalingad keka ing saingsing ku.

Ding Dalit 66:16

Ikong sablang ating takut king Dios, 'me ko keni at makiramdam kayu. Ibalita ku kekayu ing sablang depat na kaku.

Isaias 66:2

Aku ing linalang king meto sikluban! Aku ing makibandi king sabla-sabla. Liligaya ku karing mapagpakumbaba at sisisi, karetang ating takut at mamintu kanaku.

Hosea 13:1

Kanitang minuna, mitakutan la ding aliwang tribu na ning Israel kabud migsalita ya ing tribu nang Efraim. Matas ing paglalawe da ring aliwang tribu na ning Israel king Efraim. Oneng mikasala la ding memalen na ning Efraim uli na ning pamanyamba ra kang Baal. Uli na niti, mate la.

Hosea 5:3

Balu ke ing Israel. Balu ku ing lihim na. E ya meging tapat kanaku at mirinatan la ding memalen na.

Habakuk 3:16

Iti ngan abalitan ku at gagalgal ku; ding kakung labi gagalgal la king takut. Ing katawan ku mengalambut ya, at mengaina la ding bitis ku. Ing paniatang ning kayaldawan tahimik kung panenayan, potang ing Dios parusan na na la ding sinalake kekata ngan.

Mateo 28:8

Inya memalagua lang meko king kutkutan. Miyabe ing takut ampon ing tula da at pupulayi lang minta karing alagad.

Marcos 5:33

Uling balu na ning babai ing mepalyari keya, gagalgal yang linapit kang Jesus; siniklaud ya king arap na at pigtapat na ing mabilug a katutuan.

Lucas 8:46

Oneng nganang Jesus, Ating tinagkil kanaku! Dimdam kung ating upayang linual kanaku.

Lucas 8:48

Nganang Jesus, Anak, pepakayap na ka ning kasalpantayanan mu. Mako na kang mitmung kapayapan.

Ding Dapat 16:29

Pepakua yang sulu ing guardia na ning sukulan at pupulayi yang linub king sukulan, at gagalgal yang siniklaud king arap da ri Pablo at Silas.

1 Corinto 2:3

Maina ku inyang dinatang ku kekayu at gagalgal ya ing mabilug kung katawan king takut,

2 Corinto 7:15

At kabang agaganaka na ing kekayung kapamintuan, lalu na na kayu mang luluguran. E na akakalinguan ing pamananggap yu at pamangalang keya.

Filipos 2:12

Uli na niti, mal kung kakaluguran, nung makananu yung parating tikian ing sasabian ku kanitang kayabe yu ku pa, lalung maulaga ing pamintuan yu ku ngeni, ngening e yu na ku kayabe. Isundu yu ing pamagobra para king kaligtasan yu a abe ing takut at galgal,

Hebreo 12:28

Inya pasalamat tamu king Dios uling tinanggap tamung metung a kayarian a e maugun. Pasalamatan ta ya at samban ing Dios a kayabe ing kagalangan at takut; king paralan a tutung makaibie tula keya

1 Samuel 16:4

Tiparan nang Samuel itang parapat na ning Ginu at minta ya Betlehem. Inyang miras ya Betlehem seganan de ring makatua na ning siudad. Mitakutan la deti at ngarang kinutang, Mayap namu dinatang kayu?