Lucas 8:43 - Ing Mayap a Balita Biblia

⁴³ Kabilang ya kareti ing metung a babaing labi nang aduang banuang kayayagasan daya; megisan na king pamipaulu karing doktor ing pibandian na, oneng e ya kinayap.

Lucas 8:43 Iomraidhean Croise

2 Cronica 16:12

King katlung pulu't siam a banua ning pamag-ari nang Asa mirate ya uli na ning mabayat a sakit a digpa king bitis na. Makanyan man, e ya meniawad saup king Ginu; karing doktor ya menalig.

Job 13:4

At ikayu naman, tatakpan yu king kalaraman ing kekong alang beluan; kalupa yo ding manulung e na bitasang makapaldan karing karelang uluan.

Ding Dalit 108:12

Saupan mu kaming lumaban karing kalaban, uling ing saup ning tau alang babie kasilbian.

Isaias 2:22

E yu na bibili ing kekayung kapanaligan karing taung matbud. Nanu wari ing ulaga ra?

Marcos 12:44

Uling minie la ding aliwa ketang labis-labis a atyu karela, oneng iting pakakalulung mebalu, agyang pakakalulu ya, binie na ngan ing sabla nang pangabiayan.

Marcos 9:18

Balang datangan ne niting espiritu, daragsa ne king gabun; bubula ya asbuk, pititigisan na la ding ipan na, at mangasias ya mabilug a katawan. Inawad ku karing alagad mu ing palualan de iting espiritung marawak, oneng e ra arapat.

Lucas 13:11

Ating metung a babai karin a labi nang walung banuang masakit uli na ning marawak a espiritung atyu keya. Bukut ya at e ya bitasang makayatna.

Lucas 13:16

Metung yang lahi nang Abraham ing babaing iti; ginapus neng Satanas kilub ding labing walung banua. E wari karampatan ing kalagan ya agyang king Aldo ning Sabbath?

Lucas 8:27

Kabud kasaka nang Jesus, selubungan ne ning metung a tau karin. Iti maki demonyu ya. Malambat neng panaun lubas ni e manuknangan karing bale nune mu karing lukib a pipangutkutan.

Lucas 8:42

uling mamamate ya ing kabubugtungan nang anak a babai a labing aduang banua tua. Kabang dalan pilulupungan de ring tau i Jesus.

Lucas 8:44

Mekisiksikan ya karing dakal a taung tutuki kagulutan nang Jesus, at tigkilan ne ing punta na ning imalan na. At kanita mu rin tinuknang yang daraya.

Juan 9:1

Kabang lalakad ya i Jesus ikit ne ing metung a lalaking bulag ibat na king pangabait na.

Juan 9:21

Oneng e mi balu nung makananu yang manakit na ngeni o nung ninu ing mekapasala karing mata na. Kutnan ye; atyu ne king idad at makapagsalita ya para king sarili na!

Ding Dapat 3:2

King lele na ning pasbul a ausan dang Pasbul a Masanting, ating metung a taung lumpu. Katutubu na ing pangalumpu na. Darala re aldo-aldo king lele na niting pasbul ban magpalimus karing taung lulub king Templo.

Ding Dapat 4:22

Uling itang taung keraptanan milagru maygit neng apat apulung banua tua.