Lucas 8:3 - Ing Mayap a Balita Biblia

³ i Juana a asawa nang Cuza a katiwala nang Herodes; i Susana at ding aliwa pang babai. Gagamitan da reti ing sarili dang pibandian king pamaniaup da kang Jesus at karing alagad na.

Lucas 8:3 Iomraidhean Croise

1 Cronica 29:14

Ninu mo aku at deting kabalen ku ban mamie keng kusang lub keka, uling ing sabla ibat ngan keka, at itang binie mi tune ibat keka.

Isaias 23:18

Mitalaga la king Ginu ding salaping atubu na king kapamilatan na ning komersyu na. E na la isikap deti, oneng detang susuyu king Ginu gamitan da la ring salapi ra ban saliwan ing pamangan at imalan a kailangan da.

Mateo 14:1

King panaun a ita, abalitan nang Herodes a tetrarka, ing tungkul kang Jesus.

Mateo 14:3

I Herodes ya ing peparakap, pepagapus, at pepasukul kang Juan uli nang Herodias a asawa nang Felipeng kapatad nang Herodes.

Mateo 14:6

Inyang miras ing aldo nang kebaitan Herodes, tinerak ya i Salome a anak nang Herodias king arapan da ring kumbiradu. Metula yang e mu nanu i Herodes,

Mateo 2:11

Kalub da king bale, disnan de ing anak king siping nang Mariang ima na; siniklaud la king arapan na at simban de. Kaybat biklat da la ring regalung darala da, at dininan deng gintu, insenso, at mira.

Mateo 20:8

Inyang mabengi na, ngana ning makibandi king katiwala na, Ausan mu na la deng magobra at bayaran mu la king karelang upa. Magumpisa ka karing tauling meyakua at itauli mu la ding minuna.

Mateo 25:40

Nganang makibat ning Ari karela, Ing katutuan sasabian ku kekayu king ing nanumang depat yu king metung kareting malating diling kapatad ku, kanaku yu depatan!

Mateo 26:11

E la mako kekayu ding kalulu, oneng e yu ku akayabe kapilan man.

Mateo 27:55

Atyu la naman karin magumasid makarayung bagya ding dakal a babaing tinuki kang Jesus manibat Galilea at liningap king miyayaliwang pamangailangan na.

Lucas 24:10

Deting babai ila di Maria Magdalena, Juana, at i Mariang ima nang Santiago; ila at ding aliwa pang babaing kayabe ra ilang memalita kaniti karing apostol.

Juan 12:6

Sinabi na iti e uling atin yang malasakit karing pakakalulu, nune uling mapanako ya; ya ing tesoreru da at kukupit ya karing salaping ingatan na.

Ding Dapat 13:1

King iglesia karin Antiokia ating mapilan a propeta at talaturu. Ila ding makatuki: i Bernabe, i Simeon (a meyaus Negro), i Lucio (a tau Cirene), i Manahen (a kayabe nang meragul ning Gobernador Herodes), at i Saulo.

2 Corinto 8:9

Balu yu nung nu anti karagul ing lugud na kekatamu ning Ginu tamung Jesu-Cristo. Agyamang mabandi ya, meging pakakalulu ya alang-alang kekayu ban mibandi kayu king kapamilatan na ning kakaluluan na.

Filipos 4:22

Ipayabut da naman ding sablang kapatad keni, lalung-lalu na ding magsilbi keni king palasyu na ning Emperador, ing masaya rang komusta.

1 Timoteo 5:10

at pikabaluan la king pamaniapat mayap: peparagul da la ring anak da king mayap a pamibiebie, malugud lang tatanggap karing taung makipanuknangan karing pibalebale ra, sinuyu la karing pinili na ning Dios, sinaup la karing mengailangan, at king miyayaliwang paralan dinikil da ing karelang sarili king pamaniapat mayap karing aliwa.