Lucas 8:25 - Ing Mayap a Balita Biblia

²⁵ Kaybat na nita, ngana karing alagad na, Nukarin ing kekayung kasalpantayanan? Oneng mipamulala la at mitakutan. Ngara king metung at metung, Ninu kaya yan? Apapamintuan na pati na ing angin at ing alun!

Lucas 8:25 Iomraidhean Croise

Ding Kasebian 30:4

Ninu na mo ing minukiat banua at kaybat kinuldas ya? Ninu na mo ing mekasakmal king angin o king lampin binalut na ing danum? Ninu na ing mekabili karing angganan na ning yatu? Ninu ya at nanu ya lagyu ing anak na? Siguradung balu me.

Ding Kasebian 8:29

at kanitang inutus na king danum ning dagat king e la mitatas lagpus king sinabi na, at inyang ding pundasyun ning yatu telakad na la.

Mateo 14:31

Agad-agad neng inabut Jesus ing gamat na; telan ne i Pedro at ngana, Abe, karitak mu kasalpantayanan! Obat mikakunu ka?

Mateo 17:20

Mekibat ya i Jesus, Inya e ye apalualan uling ditak kayu kasalpantayanan. Sasabian ku kekayu, agyang kasing dagul nia mu ning butul mustasa ing kasalpantayanan yu, malyari yung sabian king bunduk a ini, Malis ka keta! at malis ya. Alang bage a e yu arapat! [

Mateo 6:30

Nung pipablasan ne ning Dios agyang ing dikut a atyu ngeni, oneng bukas maduluk ne king ornu, ikayu pa kaya ing e na piblasan? Karitak yu naman a kasalpantayanan!

Mateo 8:10

Mengapamulala ya i Jesus inyang dimdam na iti at ngana karetang taung tuki-tuki keya, Ing katutuan sasabian ku kekayu, e ku pa ikit kenu man king Israel ing anti kaniting kasalpantayanan.

Mateo 8:26

At sinabi na karela, Obat mitatakutan kayung makanyan? Karitak yu naman a kasalpantayanan! Tinikdo ya kanita; sebianan ne ing angin at ing alun at mikamaragul a karatunan.

Marcos 4:35

Inyang mebengi na, nganang Jesus karing alagad na, Tara, dalakit tamu king kangatba na ning dagat-dagatan.

Lucas 12:28

Ing Dios ya ing mamiblas king dikut, ing dikut a atyu ngeni, oneng bukas ala na at maduluk king ornu. Ikayu pa kaya ing e na piblasan? Karitak yu naman a kasalpantayanan!

Lucas 8:24

Lepitan de ring alagad i Jesus at ginising de. Ngara, Maestro, Maestro! Malapit ta na mung mangamate! Mibangun ya i Jesus at sebianan ne ing angin at ing mangaragul a alun. Tinuknang at mesalese ing panaun.

Lucas 8:26

Sinadsad la king lugal da ring tau Gerasa, king kasumangid ning dagat-dagatan ning Galilea.

Juan 11:40

Nganang Jesus, E ku wari sinabi keka king nung maniwala ka akit mu ing ligaya na ning Dios?