Lucas 8:24 - Ing Mayap a Balita Biblia

²⁴ Lepitan de ring alagad i Jesus at ginising de. Ngara, Maestro, Maestro! Malapit ta na mung mangamate! Mibangun ya i Jesus at sebianan ne ing angin at ing mangaragul a alun. Tinuknang at mesalese ing panaun.

Lucas 8:24 Iomraidhean Croise

Ding Dalit 65:7

Kekang patahimikan dabungbung ning dagat, ding mainge alun at ding taung magugulu.

Isaias 50:2

Obat ing balen ku e ya kinimut inyang pintalan ke ban iligtas? Obat e ya mekibat inyang inaus ke? Milalu ku wari kaina ban e ra kayu aligtas? Apakati ke ing dagat king metung mung amanu, at agawa ku lang metung a disyerto ding ilug, ban king keyalan danum mate lang karelang asan.

Jeremias 5:22

Aku ing Ginu, obat ala kayung galang man kanaku? Baket e kayu galgal king arapan ku? Binili ku ing balas anting peka angganan ning dagat, metung a manatiling angganan a e na alipatan. Malyaring malimbuyu ya ing dagat, oneng e ne malyaring lagpus king pampang; malyaring dabungbung masikan ing alun, makanyan man e ne malyaring alipatan.

Nahum 1:4

Utusan ne ing dagat, at iti langi ya! Ding ilug palangian na la! Ding marangle ning Bashan lalangi la, ing Bunduk ning Carmel kukupas ya, at ding sampaga ning Lebanon malalanat la.

Mateo 14:30

Inyang ikit na ing masikan a tiup na ning angin, tiblan ne ning takut at megumpisa yang limbug. Nganang kinulisak, Gino, sagipan mu ku!

Mateo 8:25

Lepitan de ring alagad at ginising de. Ngara, Ginu, iligtas mu kami! Mangamate tamu!

Marcos 4:39

Tinalakad ya i Jesus at inutus na king angin, Tuknang ka! at inutus na king alun, Tahimik ka! Tinuknang ing angin at mika maragul a katahimikan.

Lucas 4:35

Nganang minutus Jesus king espiritung marawak, Magtahimik ka at lumual ka king lalaking yan! Bitbat ne ning demonyu ing lalaki king arapan da; linual ya at e ne penasakit mang bitasa.

Lucas 4:39

Lepitan ne king pagkeran na at inutus na king lagnat king lakuan ne. Likuan ne ning lagnat at agad-agad yang tinalakad at sinilbian na la.

Lucas 5:5

Nganang mekibat Simon, Maestro, kabukas na keng babaldug lambat, oneng e ke mekarakap nanuman. Makanyan man, nung ita ya ing yutus mu, ibaldug ku la ding lambat.

Lucas 8:25

Kaybat na nita, ngana karing alagad na, Nukarin ing kekayung kasalpantayanan? Oneng mipamulala la at mitakutan. Ngara king metung at metung, Ninu kaya yan? Apapamintuan na pati na ing angin at ing alun!