Lucas 8:2 - Ing Mayap a Balita Biblia

² at ding mapilan a babaing likuan da ring espiritung marawak at meulu king sakit a miyayaliwa: i Maria (a mayayaus Magdalena) nung kenu na la pepalualan ding pitung demonyu;

Lucas 8:2 Iomraidhean Croise

Mateo 4:24

Mikalat ing balita tungkul kang Jesus angga king mabilug nang bansa ning Siria, inya ding tau dela ra la kang Jesus ding sablang masakit at ating miyayaliwang kaligaligan: ding ating demonyu, ding sosoning, at ding paralitiko. Pepakayap na la ngan.

Marcos 16:1

Kalabas na ning Aldo ning Sabbath, sinali lang pabanglu di Maria Magdalena, Mariang ima nang Santiago, at Salome ban ikuskus da king bangke nang Jesus.

Marcos 16:9

Domingung abak a maranun kanita, kaybat nang sinubling mebie Jesus, pepakit yang mumuna kang Maria Magdalena nung kenu na la pepalualan ding pitung demonyu. Pintalan de ring babai i Pedro at ding kakaluguran na, at belita ra karela ing sablang sinabi na ning lalaking atagpuan da king kutkutan.

Lucas 23:27

Tutukian de ring dakal a tau i Jesus, kabilang la kareti ding babaing manangis at managulele uli na.

Lucas 23:49

Ding sablang kakilala nang Jesus at pati na ding babaing tinuki keya manibat Galilea, makatalakad lang e binang marayu; ikit da iting sablang bage milyari.

Lucas 23:55

Tinuki la kang Jose ding babaing talatuki nang Jesus manibat Galilea, at ikit de ing pikutkutan na pati na ing pangabili na karin ning bangke nang Jesus.

Lucas 8:30

Nganang kinutang Jesus, Nanu ka lagyu? Ing lagyu ku Batalyun, nganang mekibat, uling dakal lang demonyu ding linub keya.

Juan 19:25

Makatalakad ya lele na ning krus nang Jesus i ima na at ing babaing kapatad nang ima na at i Mariang asawa nang Clopas at i Maria Magdalena.

Ding Dapat 1:14

Maralas lang mititipun ban miyabe-abe manalangin kayabe da ring babai, i Maria a ima nang Jesus at ding kapatad na.