Lucas 7:42 - Ing Mayap a Balita Biblia

⁴² Ala lang pamayad deting adua, inya parehu na lang pepatawaran king karelang utang. Ninu kareting adua ing lalung lugud king mematawad?

Lucas 7:42 Iomraidhean Croise

2 Samuel 14:13

Pekibat ning babai, Obat depatan yu ing e ustu karing memalen na ning Dios? Inatulan yu ing sarili yu ngening e ye paintulutan makapagbalik ing sarili yung anak a tinakas.

Ding Dalit 103:3

Ing sabla kung kasalanan keyang patawaran, at pakayapan nang sabla kung kapanamdaman.

Isaias 43:25

Makanyan man, aku ing Dios a mamatawad karing kekang kasalanan; iti kakung daraptan uli ning kakung kadiosan; kaku nang pepatawaran ing kekang kasalanan.

Isaias 44:22

Pinawi ku lang anting lulam ding kekang kasalanan. Magbalik ka kaku, aku ing talapagligtas mu.

Mateo 18:27

Melunus ya ing ari, inya pepatawad na ing utang na at pepaburen neng meko.

Mateo 18:34

Mikalabkab ing mua na ing ari at pepasukul ne ing ipus ba yang magdusa anggang e ya makabayad king kabilugan a alagang inutang na.

Mateo 6:12

At patawaran mu la ding kasalanan mi keka, antimo ing pamamatawad mi karing mikasala kekami.

Lucas 7:43

Nganang Simon, Isipan ku pu, itang pepatawaran nang dakal. Sinabi nang Jesus, Ustu ing pakibat mu.

Roma 3:24

Oneng king grasya a matula nang binie ning Dios, i Cristo gewa na la ngan malaya ding tau at king kapamilatan nang Cristo Jesus, ding sabla ikua ra ngan milapit king Dios.

Roma 5:6

Uling kanitang kasalukuyan tamung alang akarapat, king panaun a tildu na ning Dios, mete ya i Cristo para karing taung makasalanan.

Galacia 3:10

Ding sablang magtiwala king pamamintu king Kautusan mabibie la lalam na ning metung a sumpa. Uling sasabian na ning kasulatan, Makasumpa ya ninumang e mamintu king sablang makasulat king libru na ning Kautusan!

Efeso 1:7

Inatbus na katamung Cristo king kapamilatan na ning kamatayan na. Uli na niti, mipatawaran ing kekatamung kasalanan! Kasagid na ning lugud a binie ning Dios kekatamu!

Efeso 4:32

Nune, maging maganaka kayu sana at mapaglunus king metung at metung, at mipapamatawad kayu antimo ing pamamatawad na kekayu ning Dios king kapamilatan nang Cristo.

Colosas 3:13

Mipapanupaya kayu at mipapamatawad kapilan mang atin yang paginakit ing ninuman king aliwa. Pepatawaran na kayu ning Ginu, inya ikayu man sana mipapamatawad kayu.