Lucas 7:41 - Ing Mayap a Balita Biblia

⁴¹ Nganang Jesus, Ating aduang lalaking maki utang king metung a mamaram salapi. Ing utang na ning metung limang dalan a salaping pilak, at ing metung naman limang pulung salaping pilak.

Lucas 7:41 Iomraidhean Croise

Isaias 50:1

Ngana ning Ginu, Bala yu galang king kaku yang pepalakuan ing kakung balayan anti ing lalaking midiborsyu king keyang asawa? Nu la karin ngeni ding papelis ning pamidiborsyu? Bala yu galang king pisali da kayu king pangabihag kalupa ning lalaking mamisali karing anak na ban maging ipus la? Ali! Mebihag kayu uli da ring kekong kasalanan; mitabi kayu uli ra ding krimen a kekong depatan.

Jeremias 3:11

Kaybat na nita, sinabi na ning Ginu kanaku king agyang ginulut ya ing Israel, mayap ne man kesa king taksil a Juda.

Ding Bilang 27:3

Mete ya i tata mi karin king disyerto at ala kaming kapatad a lalaki. E ya kayabe i tata mi karetang abe nang Kora a mekisanmetung laban king Ginu. Mete ya uli na ning sarili nang kasalanan.

Mateo 18:28

Oneng kalual na niting ipus asalubungan ne ing metung karing kalupa nang ipus a maki utang mapilan a pesus keya. Kinuelyu ne at saka ne sekal a batal. Nganang sinabi, Bayaran mu ing utang mu kanaku!

Mateo 6:12

At patawaran mu la ding kasalanan mi keka, antimo ing pamamatawad mi karing mikasala kekami.

Marcos 6:37

Oneng ngana karela, Ikayu ing munie pamangan karela. Buri yu keng mako para saling tinape a alagang aduang dalan a salaping pilak ban ipakan karela? ngarang kinutang ding alagad.

Lucas 11:4

At patawaran mu kami karing kasalanan mi, uling patawaran mi la naman detang mikasala kekami. E mu ke iyarap king mabayat a kapagsubukan.

Lucas 12:48

Oneng ing ipus a e makibalu king kaburian na ning panginuan na at darapat karing bage sukat nang ikaparusa, miparusan ya man, mayan mu. Ing ninumang mirinan dakal, dakal ing mayawad keya; at ing ninumang mipagkatiwalan dakal, dakal ing pakibatan na.

Lucas 13:4

O deta namang labing walu kataung mete inyang mipatanan la king tore na ning Siloe? Isipan yu galang king mas maragul la kasalanan kesa karing aliwang taung manuknangan Jerusalem?

Lucas 7:40

Migsalita ya i Jesus at ngana, Simon, atin kung buring sabian keka. Nganang mekibat, Maestro, nanu pu ita?

Lucas 7:47

Uli na niti, sasabian ku keka: linugud yang dakal a dakal uling mipatawaran la ding dakal nang kasalanan. Ninumang tinanggap ditak a kapatawaran, ditak mung lugud ing papakit na.

Roma 3:23

ding sablang tau uling mikasala la ngan, at mirayu la king Dios a Talapagligtas da.

Roma 5:20

Miyabie ya ing Kautusan ban miragdag ing pamikasala; oneng nung kapilan merakal ing kasalanan kanita naman lalung merakal ing grasya na ning Dios.