Lucas 7:40 - Ing Mayap a Balita Biblia

⁴⁰ Migsalita ya i Jesus at ngana, Simon, atin kung buring sabian keka. Nganang mekibat, Maestro, nanu pu ita?

Lucas 7:40 Iomraidhean Croise

1 Ari 2:14

Ngana pa, Atin ku pung buring sabian kekayu. Nganang Batseba, Sulung, sabian mu.

Ezekiel 33:31

Datangan da ka ring taung kanakung pinili ban makiramdam king kekang sabian, oneng e ra daraptan itang dimdam dang sukat dang daptan. Mayayama la king pamagsalita mu, oneng e la magbayu pamibiebie.

Malakias 1:6

Nganang sasabi ning Ginung Mayupaya karing pari, Gagalangan ne ning anak ing tata na, at ing ipus ing panginuan na. Aku ing kekayung tata, obat e yu ku gagalangan? Aku ing kekayung panginuan, obat e yu ku gagalangan? Lalapastanganan yu ku, makanyan man kukutang yu kanaku, Makananu da kang lalapastanganan?

Mateo 26:49

Inyang miras ya i Judas katataglus nang linapit kang Jesus at ngana, Mayap a bengi pu, Maestro! at saka ne inuma.

Mateo 7:22

Potang miras na ing Aldo ning Pamanukum, dakal la ding maus kanaku, Ginu, Ginu! King lagyu mu penaral mi ing amanu na ning Dios; king lagyu mu penabi mi la ding demonyu, at king lagyu mu dinapat keng dakal a milagru.

Lucas 18:18

Kitnan ne ing metung a pamuntuk da ring Judio i Jesus. Ngana, Mayap a Maestro, nanung daptan ku ban tanggapan ku ing bie alang angga?

Lucas 5:22

Oneng balu nang Jesus ing karelang isipan, inya ngana karela, Baket makanyan kayu isipan?

Lucas 5:31

Nganang mekibat Jesus karela, E re kailangan ding taung alang sakit ing doktor, nune ding taung masakit ilang mangailangan king doktor.

Lucas 6:8

Oneng balu nang Jesus ing karelang babalakan, inya ngana king taung panat a gamat, Talakad ka at munta keni king arap. Tinalakad ya ing lalaki at minta ya king arap.

Lucas 7:39

Inyang ikit na iti ning Pariseong mengumbira kang Jesus, sinabi na king sarili na, Nung ing taung ini tune yang propeta, sukat nang balu nung ninu at nung nanu yang uring babai ining tatagkil keyametung yang babaing palpikasala!

Lucas 7:41

Nganang Jesus, Ating aduang lalaking maki utang king metung a mamaram salapi. Ing utang na ning metung limang dalan a salaping pilak, at ing metung naman limang pulung salaping pilak.

Juan 13:13

Ausan yu kung Maestro at Ginu at tinud kayu; uling makanyan ku pin.

Juan 16:19

Balu nang Jesus king buri deng kutnan, inya ngana karela, Iti wari ing kukutang yu: nung nanu ing buri kung sabian tungkul king sinabi kung Saguli na mu e yu na ku akit, at kaybat ning ditak a panaun akit yu kung pasibayu?

Juan 16:30

Balu mi na ngeni king balu mu ing sabla, at e na kailangan ing kutnan na ka ning ninuman. Uli na niti, paniwalan mi king menibat ka king Dios.

Juan 3:2

Misan a bengi, iting lalaki minta ya kang Jesus. Ngana kang Jesus, Maestro, balu mi king metung kang talaturu a menibat king Dios, uling alang makagawa karing milagrung daraptan mu subali mu nung mamantabe ya keya ing Dios.