Lucas 7:39 - Ing Mayap a Balita Biblia

³⁹ Inyang ikit na iti ning Pariseong mengumbira kang Jesus, sinabi na king sarili na, Nung ing taung ini tune yang propeta, sukat nang balu nung ninu at nung nanu yang uring babai ining tatagkil keyametung yang babaing palpikasala!

Lucas 7:39 Iomraidhean Croise

2 Ari 5:20

nganang Gehazi, ing kasaup nang Eliseo, Kaganaka na naman ning panginuan ku kang Naaman. E na tinggap ing babie na. Daramdaman na ku ning mabie Ginu, tagalan ke i Naaman at maniawad ku agyang nanu mu.

Ding Kasebian 23:7

Sigi, kuma ka pa, nganang sumabi keka, oneng e naman laus king lub na. Itang isipan na ya ing ugali na.

Isaias 65:5

At sasabian da pa karing aliwa king e la sukat lalapit karela pota atagkil da la uli mo kanung tutu lang banal. E ku na la apibata deng taung makanyan! Mengari king aping e matatda ing mua ku karela.

Mateo 20:16

Nganang memupus migsalitang Jesus, Makanyan lang maging mumuna ding tauli at maging tauli ding mumuna.

Mateo 21:11

Iti ya i Jesus, ing propetang ibat Nazaret, Galilea, ngarang mekibat ding keraklan.

Marcos 7:21

Uling ketang manibatan king pusu na karin magumpisa ing e mayap a kaisipan at ya ing mitutulak keya ban dapat karing bage e mayap: ing pamanako, ing pamakamate,

Lucas 12:17

Nanung daptan ku? nganang mengutang king sarili na. Ala na kung pilulanan king kanakung pupul.

Lucas 15:2

Mibubulungan la ding Pariseo at ding talaturu ning Kautusan. Ngara, Makisalamuha ya ing taung iti at makisulu karing makasalanan!

Lucas 16:3

Ngana ning katiwala king sarili na, Lalako na na ku ning panginuan ku king pangakatiwala. Nanu ing daptan ku? E ku agyung sarul; makarine naman nung magpalimus ku.

Lucas 18:4

E ya mebisa ing ukum kilub ning makabang panaun. Oneng king katataulian ngana king sarili na, Agyang ala kung takut king Dios at e gagalang kaninu man,

Lucas 3:8

Daptan yu la detang bage a pakilala king sinisi na kayu at ginulut karing kekayung kasalanan. At e yu pangangas sasabian king i Abraham ya ing kekayung makatua. Sasabian ku kekayu king agyang karing batung deni ing Dios makapalto yang lahi nang Abraham!

Lucas 7:16

Mitakutan la ding sabla at pinuri de ing Dios. Ngara, Linto ya libutad tamu ing metung a maragul a propeta! Dinatang ya ing Dios ba neng iligtas ing balen na!

Lucas 7:37

King balen a ita ating metung a babaing mabibie king pamikasala. Abalitan neng atyu makipangan king bale na ning Pariseo i Jesus. Uli na nita, migdala yang metung a alabastrong lulanan mitmung pabanglu.

Lucas 7:38

Linukluk ya lele nang bitis Jesus. Tatangis ya at besa na la king lua nang tutulu ding bitis nang Jesus. At kiskusan na la deti king buak na; penuma na la at saka na la tigtugan pabanglu.

Lucas 7:40

Migsalita ya i Jesus at ngana, Simon, atin kung buring sabian keka. Nganang mekibat, Maestro, nanu pu ita?

Juan 4:19

Ngana ning babai, Aintindian ku, ginu, king metung kang propeta.

Juan 7:12

At misisitsitan la ding dakal a tau tungkul kang Jesus. Ngara ding aliwa, Mayap yang tau. Ali ya, uling lilili na la deng tau, ngara naman ding aliwa pa.

Juan 9:24

Inya pasibayu deng inaus ing sadiang bulag at ngara keya, Sabian mu ing katutuan arapan na ning Dios! Balu mi king makasalanan ya ing taung ita.