Lucas 7:34 - Ing Mayap a Balita Biblia

³⁴ Dinatang ya ing Anak ning Tau; mengan ya at mininum alak at ngayu, Lawan ye iting tau! Matako ya at lasenggu ampon kakaluguran de ring talapanyingil buis at ding makasalanan!

Lucas 7:34 Iomraidhean Croise

Mateo 11:19

Dinatang ya ing Anak ning Tau, mamangan ya at miminum, at ngara namang sinabi, Lawen ye ing taung matako at lasenggo! Makipagbarkada ya karing talapanyingil buis at karing makasalanan! Makanyan man, mipatunayan ing kabiasnan na ning Dios king kapamilatan na ning bubunga na.

Mateo 5:46

Nanung ablas ing panenayan yu king Dios nung luluguran yu la mu detang malugud kekayu? Agyang ding talapanyingil buis makanyan ing daraptan da!

Mateo 9:11

Ikit da iti ding mapilan a Pariseo at ngarang kinutang karing alagad na, Obat makisulu ya karing talapanyingil buis at karing makasalanan ing kekayung maestro?

Lucas 11:37

Inyang meyari yang magsalita i Jesus, kimbiran ne ning metung a Pariseo ban makipangan king bale na. Inya minta ya king bale na niti at linukluk ya arap ning lamesa.

Lucas 14:1

Misan a Aldo ning Sabbath, mekumbira yang makipangan i Jesus king bale na ning metung a pamuntuk da ring Pariseo, at pegumasdan deng masalese ding tau.

Lucas 15:2

Mibubulungan la ding Pariseo at ding talaturu ning Kautusan. Ngara, Makisalamuha ya ing taung iti at makisulu karing makasalanan!

Lucas 19:7

Mibubulungan la ding sablang menakit king mepalyari. Ngara, Makipagbisita ya king metung a makasalanan!

Lucas 5:29

At pigtawan neng maragul Levi i Jesus king bale na. Dakal lang talapanyingil buis at aliwa pang tau ding kasulu ra.

Lucas 7:33

Dinatang ya i Juan a Maminyag, mig-ayunu ya at e mininum nanumang alak, oneng ngayu, Alipnan ne ning demonyu!

Lucas 7:35

Makanyan man, mipatunayan yang matulid ing kabiasnan na ning Dios karetang tatanggap kaniti.

Lucas 7:36

Kimbiran ne ning metung karing Pariseo i Jesus ban makipangan king bale na. Minta ya i Jesus king bale na at linukluk ya ban mangan.

Juan 12:2

Pigsadia deng apunan karin. Sinaup yang migsilbi i Marta at metung ya i Lazaro karing kasulu nang Jesus king lamesa.

Juan 2:2

Mekumbira ya naman i Jesus at ding alagad na.