Lucas 7:29 - Ing Mayap a Balita Biblia

²⁹ Dimdam de i Jesus ding sablang atyu karin at pati na ding talapanyingil buis. Deti ila ding mamintu king kaburian na ning Dios at ila ding bininyag nang Juan.

Lucas 7:29 Iomraidhean Croise

Ding Dalit 51:4

Mikasala ku laban keka; bukud mung keka ku mikasala. Depat ku itang e mayap king arapan mu, inya matulid ing atulan mu ku. Makatuliran ing parusan mu ku.

Mateo 5:46

Nanung ablas ing panenayan yu king Dios nung luluguran yu la mu detang malugud kekayu? Agyang ding talapanyingil buis makanyan ing daraptan da!

Lucas 20:6

Nung sabian tamung, Ibat karing tau, pamasibasan da katamu ding tau uling paniwalan da king propeta ya i Juan.

Lucas 3:12

Linapit la kang Juan ding mapilan a talapanyingil buis ban pabinyag at kitnan de, Maestro, nanu ing daptan mi?

Lucas 7:28

Sasabian ku kekayu: maygit ya i Juan kaninu mang taung mibait; oneng ing pekamalati king Kayarian ning Dios maygit ya kesa kang Juan.

Lucas 7:35

Makanyan man, mipatunayan yang matulid ing kabiasnan na ning Dios karetang tatanggap kaniti.

Ding Dapat 18:25

Mituruanan ya tungkul king Dalan ning Ginu at kayabe na ning malablab a panamdam magsalita ya at tuturung ustu tungkul kang Jesus. Makanyan man, ing binyag nang Juan ya mu ing balu na kanita.

Ding Dapat 19:3

Nganang kinutang, Makananu kayung mebinyag? King binyag nang Juan, ngarang mekibat.

Roma 10:3

E re ikuang akilala ing dalan nung nu na la payalan kasalanan ning Dios ding tau at pilit lang mitatag sarili dang dalan; inya e la pepasakup king paralan na ning Dios tungkul king pangapayalan dang kasalanan ding tau.

Kapahayagan 15:3

Kakanta de ing kanta nang Moises a talasuyu na ning Dios, at ing kanta na ning Kordero. Ngana, O Ginung Dios a Mayupayang tutu, marangal la at makapagmulala ding kekang dapat! O Ari ding bansa, matulid la at katutuan ding kekang dalan!

Kapahayagan 16:5

Dimdam keng migsalita ing anghel a manibala king danuman. Ngana, Ika ing Banal a mabibie ngeni at king panaun a milabas! Makatuliran ka king gewa mung pamanatul.

Ukum 1:7

Nganang Adonibezek, Pitu lang pulu ding ari a putut a tindaragul a gamat at bitis ding memulut king pisimen lalam kung lamesa. Depat na ning Ginu kanaku itang depat ku karela. Dela re Jerusalem at karin ya mete.