Lucas 7:26 - Ing Mayap a Balita Biblia

²⁶ Sabian yu na mo kanaku nung nanu ing buri yung aket? Ing metung a propeta? Wa, sasabian ku kekayu, maygit ya pa king metung a propeta ing ikit yu.

Lucas 7:26 Iomraidhean Croise

Lucas 1:76

Ika, anak ku, mayaus kang propeta na ning Kakataskatasan a Dios. Datang kang makauna king Ginu ban isadia mu ing dalanan na,

Lucas 16:16

Ing Kautusan nang Moises at ing sinulat da ring propeta mipairal angga mu ketang panaun a dinatang ya i Juan a Maminyag. Manibat na kanita, mipanaral ne ing Mayap a Balita tungkul king Kayarian ning Dios, at ing balang metung magkapilit yang milub kaniti.

Lucas 20:6

Nung sabian tamung, Ibat karing tau, pamasibasan da katamu ding tau uling paniwalan da king propeta ya i Juan.

Lucas 7:25

Nanu ing buri yung akit? Ing taung misusulud king masiglang imalan? King kamatutuanan, ding mibablas makanyan sobra-sobra la kabiayan at manuknangan la karing palasyu!

Lucas 7:27

Uling i Juan ya ing sasabian na ning Kasulatan, Iti ya ing tubud ku, ngana ning Dios. Tuburan keng mumuna keka ban isadia ne ing dalan para keka.

Juan 5:35

Mengari yang sulung milalablab i Juan at maslag ya; at birian yung matula kayung sinaguli king aslag na.