Lucas 7:22 - Ing Mayap a Balita Biblia

²² Nganang mekibat karing tubud nang Juan, Magbalik kayu at ibalita yu kang Juan ing ikit yu at dimdam: manakit la ding bulag, makalakad la ding pile, kakayap la ding leprosuan, makaramdam lang pasibayu ding maklak, at mabibie lang pasibayu ding mete at mipanaral ing Mayap a Balita karing pakakalulu.

Lucas 7:22 Iomraidhean Croise

Job 29:15

Aku ing meging mata da ring bulag, at bitis da ring pile.

Ding Dalit 146:8

at pasalan na la mata ding bulag. Babangun na la ding mebigu; kaluguran na lang makatuliran.

Isaias 42:16

Ding bulag kung memalen kaku lang tairan karing dalan a e ra pa bitasang delanan. Alilan kung sala ing karelang karalumduman, at ding lugal a e patag kaku lang patagan. Deting bage siguradu ku na lang daptan.

Isaias 43:8

Ing Dios sasabian na, Ausan yu lang marap king husgadu ding taung pinili ku. Atin lang mata, oneng bulag la; atin lang balugbug, oneng maklak la!

Jeremias 31:8

Iyuli ku lang ibat king norting bansa, at tipunan ibat karing wakas ning yatu. Datang lang kayabe ra ding bulag at pile, ding mabuktut at ding malapit nang manganak. Muli lang metung a maragul a bansa.

Zepania 3:12

Lakuan ku la karin ding taung mipasakitan at mapagpakumbaba a lumapit kanaku ban maniawad saup.

Mateo 11:5

manakit la ding bulag, makalakad la ding pile, kakayap la ding leprosuan, makaramdam la ding maklak, susubli lang mie ding mete, at mipanaral ya ing Mayap a Balita karing kalulu.

Mateo 21:14

Pigsarian de ring bulag at ding lumpu king Templo at pepakayap na la.

Lucas 4:18

Ing Espiritu ning Ginu atyu kanaku, uling pinili na ku ban ipanaral ke ing Mayap a Balita karing pakakalulu. Tinubud na ku ban ihayag ing kalayaan karing bihag, at ing pangabalik da panimanman ding bulag, at ing pangayatbus ding mayayalipit,

Lucas 7:21

Kanitang penandit a ita pepakayap na lang Jesus ding dakal a tau karing karelang sakit at kapanamdaman ampon karing espiritung marawak, at pepasublian na la panimanman ding dakal a bulag.

Lucas 7:23

Mapalad ya ing taung e magduda kanaku!

Juan 1:46

Nganang kinutang Nathanael, Atin waring mayap a lunto Nazaret? Mekibat ya i Felipe, Tara, lawan mu.

Ding Dapat 26:18

Ika ing mibuklat karing karelang mata at ibat king dalumdum iyarap mu la king sala, at ibat king upaya nang Satanas tairan mu la king Dios ban king kapamilatan na ning kasalpantayanan da kanaku mipatawaran la karing karelang kasalanan, at mibilang la karing taung pinili na ning Dios.

Ding Dapat 8:7

Ating marawak a espiritung linual kukulisak karing dakal a inipus da, at dakal la ding lumpu at pile a kinayap.

Santiago 2:5

Lawan yu, kaluguran kung kapatad! Ding lalawan nang pakakalulu ning yatu ila ding pinili na ning Dios para mipabandian la king kasalpantayanan, at magkamit king Kayarian a pengaku na karing malugud keya.