Lucas 7:21 - Ing Mayap a Balita Biblia

²¹ Kanitang penandit a ita pepakayap na lang Jesus ding dakal a tau karing karelang sakit at kapanamdaman ampon karing espiritung marawak, at pepasublian na la panimanman ding dakal a bulag.

Lucas 7:21 Iomraidhean Croise

1 Ari 8:37

Nung mika maragul a danup king bansa o pesti o mika lawi o kulapu o gisanan da lang durun o ulad ding tanaman; nung kubkuban da lang kalaban ing isanu man karing karelang siudad o nung datang karela ing salut o sakit,

Levitico 14:48

Potang magbalik ya ing pari king bale at ikit nang e na linto pasibayu ing kulapu kaybat nang mibayu palitada, ideklara na neng malinis na.

Mateo 4:23

Leganasan neng pintalan Jesus ing mabilug a Galilea; tinuru ya karing karelang sinagoga at penaral na ing Mayap a Balita tungkul king Kayarian ning Banua. Pepakayap na la naman ding tau king miyayaliwa rang sakit at kapanamdaman.

Mateo 4:24

Mikalat ing balita tungkul kang Jesus angga king mabilug nang bansa ning Siria, inya ding tau dela ra la kang Jesus ding sablang masakit at ating miyayaliwang kaligaligan: ding ating demonyu, ding sosoning, at ding paralitiko. Pepakayap na la ngan.

Marcos 3:10

Dakal ne pepakayap, inya pilulupungan de ring sablang maki sakit ba re mu mang atagkilan.

Marcos 5:29

Kanita mu rin tinuknang ing agus ning daya nang mayayagas at dimdam nang kinayap ya.

Marcos 5:34

Sinabi nang Jesus, Anak, pepakayap na ka ning kasalpantayanan mu kanaku. Muli na ka ngeni at ipanatag mu ing lub mu. Mayap na kang lubus.

Lucas 7:20

Inyang miras la kang Jesus sinabi ra, Tiburan na keng Juan a Maminyag ba ming ikutang keka nung Ika ing datang o manaya ke pang aliwa?

Hebreo 12:6

Uling didisiplinahan na la ning Ginu ding sablang kaluguran na, at babarugan na la ding sablang kikilalanan nang anak na.