Lucas 7:2 - Ing Mayap a Balita Biblia

² Karin ating metung a kapitan da ring sundalung Romano a tutung malugud king ipus na. Masakit ya iting ipus at atyu king bingit ning kamatayan.

Lucas 7:2 Iomraidhean Croise

Genesis 24:27

at ngana, Purian ya ing Ginu, ing Dios nang Abraham a panginuan ku. E na kelinguan ing pangaku na nune tiparan na. Tinaid na ku at selangi ning Ginu king bale da ring kamaganak na ning panginuan ku.

Genesis 35:8

Karin ya mete i Debora a menese kang Rebeca. Mikutkut ya lalam na ning tanaman a ensina king gabun makababa king Betel. Inya inaus deng Ensina ning Pamanangis.

Job 31:5

Susumpa ku king kapilan man e ku ginawang kasalanan, at e ku pignasan ing ding aliwa kaku lang linlangan.

Ding Kasebian 29:21

Itang mapanusig king ipus na manibat na inyang malati ya, e lumuat ya ing manikua king pibandian na.

Mateo 27:54

Inyang ikit nang minayun ning kapitan ampon ding sundalus a kayabe nang magbante kang Jesus at ikit da ing sablang mepalyari, mitakutan la at ngarang sinabi, Tutu pin ing Anak ne ning Dios!

Lucas 23:47

Inyang ikit ning kapitan da ring sundalus ing milyari, pinuri ne ing Dios. Ngana, Tune ya ping alang kasalanan iting tau!

Lucas 7:1

Inyang ayari na na lang sinabing Jesus deting sablang bage karing tau minta ya Capernaum.

Lucas 7:3

Kabud abalitan na niting kapitan king atyu karin i Jesus, tiburan na la ding mapilan a makatuang Judio ban pakisabi ra kang Jesus king puntalan ne at pakayapan ing ipus na.

Lucas 8:42

uling mamamate ya ing kabubugtungan nang anak a babai a labing aduang banua tua. Kabang dalan pilulupungan de ring tau i Jesus.

Ding Dapat 10:1

Karin Cesarea ating metung a taung milagyuan Cornelio. Kapitan ya king rehimiento ding sundalung Romano a meyaus Rehimiento Italiano.

Ding Dapat 10:7

Inyang kalako na ning anghel a kesabi na, minaus yang adua karing ipus na i Cornelio at ing metung a sundalus makitakut king Dios at metung karing sadiang panaligan nang susuyu keya.

Ding Dapat 22:26

Inyang dimdam na iti ning opisyal, milayi ya king komandante at kitang na keya, Nanu ing daraptan yu? Ing taung ita metung yang memalen Romano!

Ding Dapat 23:17

Kanita pepayaus neng Pablo ing metung karing opisyal at ngana keya, Ituki me ing binatilyung ini king komandante; atin yang buring ibalita keya.

Ding Dapat 27:1

Inyang mepikayari king sukat na keng maglayag papunta Italia, inintriga de i Pablo at ding aliwa pang makasukul kang Julio, ing opisyal king rehimiento da ring sundalus ning Roma a ausan dang Rehimiento ning Emperador.

Ding Dapat 27:3

Itang kabukasan sinadsad ke Sidon. Pepakitanan neng mayap a lub Julio i Pablo at pepaintulutan neng sinaka at makikit karing kakaluguran na ba reng asaupan king nanumang pamangailangan na.

Ding Dapat 27:43

Oneng ing opisyal da buri neng iligtas i Pablo, inya sebatan na ing balak dang iti. Inutus na king ding sablang biasang kawe luksu na lang mumuna at kawe lang papunta king pasigan;

Colosas 3:22

Ikayu namang ipus, pamintuan yu la sanang parati ding kekayung panginuan king sablang bage, at mamintu kayu e mu neng babanten da kayu ba yu lang akua pilubluban, nune king pusung tapat at uli na ning lugud yu king Ginu.