Lucas 7:12 - Ing Mayap a Balita Biblia

¹² Inyang atyu ne king pasbul ning balen asaganan ne ing metung a libing. Ing mete bugtung niang anak a lalaki ning babaing mebalu. Dakal lang taung ibat king siudad ding mekipaglibing.

Lucas 7:12 Iomraidhean Croise

Genesis 22:12

E me papaten o nananan balang ing anak, ngana ning anghel. Balu ku na ngeni king tapat ka pin king Dios uli na ning e me pigkaymut ing anak mung pakamalan.

Genesis 22:2

Kanita sinabi na ning Dios, Abraham, ituki me i Isaac, ing anak mung kabubugtungan a pakamalan mu, at munta kayu king sakup ning Moria. Iyain me kanaku bilang ain-a-durulukan karin king bunduk a ituru ku keka.

2 Samuel 14:7

At ngeni, Makamal a Ari, mua la ngan kanaku ding kamaganak ku. Ngarang sasabi kanaku, Ibie me kekami ing anak mung mekamate king kapatad na at paten mi ya bilang kabayaran king depat na. Makamal a Ari, lubus kung magdili-dili nung ibie ku ing aduan da ring kamaganak ku. Siguradung kawalan kung manintunan kabiayan at mabura ne lagyu ing meyangu-bie asawa ku.

1 Ari 17:12

Nganang mekibat ning babai, Balu na ning Ginung kekayung Dios ing ala ku agyamang tinape. Atin ku mung ditak a arina at ditak a tabang olibo king lulanan. Minta ku keti ban mamulut dutung a panangab a gamitan ku king pamaglutu para kanaku at king anak kung lalaki. Ita mu ing pamangan a makatagan at kaybat na nita mate na kami king danup.

1 Ari 17:18

Ngana ning ima kang Elias, Talasuyu ning Dios, obat depatan mu iti kanaku? Dinatang ka wari keti ban ipaganaka mu la kanaku ding kasalanan ku king Ginu at paten ing anak ko?

1 Ari 17:23

Binuat neng Elias ing anak at tinipa ne ban ibie kang ima na. Nganang Elias kang ima na, Oyan ing anak mu, mabie ya!

1 Ari 17:9

Munta ka ngeni mu rin king Zarepat, malapit Sidon at karin ka manatili. Inutusan ku ne ing metung a babaing mebalu karin ban pakanan na ka.

2 Ari 4:16

Nganang Eliseo, Keng tutuking banua, king oras a anti kaniti, atin na kang kikilikan a anak a lalaki. Ngana ning babai, O! E yu ku pu sana payasahan, uling talasuyu na kayu ning Dios!

2 Ari 4:20

Kinarga ne ning kasaup ing anak at dela ne king ima. Binten ne ning ima ing anak na anggang ugtung aldo, at mete ya ing anak king kandungan na.

Job 29:13

Kapurian babie da kaku detang tau atyu king kalalaman ning karelang kasakitan. Aku ing sangkan inya magkanta la ding babaing mebalu king tula ra.

Zacarias 12:10

Katmuan ku la ding lahi nang David at ding aliwang memalen na ning Jerusalem king espiritu ning lunus at panalangin. Lumawe la ketang pete ra king tandus, at panangisan de antimo detang manangis king karelang kabubugtungan a anak. Manangis lang kapait-paitan anti detang kematen king anak dang pangane lalaki.

Lucas 7:11

Kaybat na nita, minta ya i Jesus king balen ning Nain. Tinuki la kang Jesus ding alagad na at ding dakal a tau.

Lucas 7:13

Panakit na ning Ginu king babaing mebalu, melunus ya keya. Inya sinabi na king babai, E ka tatangis.

Lucas 8:42

uling mamamate ya ing kabubugtungan nang anak a babai a labing aduang banua tua. Kabang dalan pilulupungan de ring tau i Jesus.

Lucas 8:52

Tatangis la at managulele ding sabla uli na ning milyari king anak. Nganang Jesus, E kayu tatangis, e ya mete ing anak; matudtud ya mu!

Juan 11:19

At dakal lang Judio ding dinalo kari Marta at Maria ba da lang damayan uli na ning pangamate na ning kapatad da.

Ding Dapat 9:39

Inya migayak ya i Pedro at tinuki ya karing tubud. Inyang karas na tiki re king kuartu babo. Pilupungan de ring sablang babaing mebalu; tatangis la kabang papakit da kang Pedro ing baru at aliwa pang imalan a teyan nang Dorcas kanitang mabie ya.

Ding Dapat 9:41

Inabut ne gamat Pedro at seupan neng tinalakad. Kaybat na nita, inaus na la ngan ding talasalpantaya at ding babaing mebalu at inarap neng mabie karela.

Santiago 1:27

King arapan na ning Dios a Ibpa tamu, ing tune at dalise relihiun ya ini: saupan la ding ulila at ding babaing mebalu king karelang kasakitan, at ingatan ing sarili ban e midinatan king e mayap na ning yatung iti.