Lucas 6:7 - Ing Mayap a Balita Biblia

⁷ Ding mapilan a talaturu ning Kautusan ampon Pariseo manintun lang dalan ban asangkanan deng darapat mali, inya pegumasdan deng miamasamas ban lalwan da nung manulu ya king Aldo ning Sabbath.

Lucas 6:7 Iomraidhean Croise

Ding Dalit 38:12

Yuyumang do kaku ding silu da, kaku kamatayan ing nasa ra; detang bisang makapanasakit kaku pisasabian da ing kasiran ku; patitingapun katraydulan ing karelang babalakan.

Isaias 29:21

Gisanan na lang paten ning Dios detang mamanyirang dangalan karing aliwa, detang sasabat king pangaparusan da ring kriminal, at detang mamigawang salita ban e la mirinan hustisia ding taung ating katuliran.

Jeremias 20:10

Ding sabla daramdaman ku lang bubulung Makapadurut kekatamu ing makapangilabut! Isumbung ta ya karing atyu king kayupayan! Agyang ding matalik kung kakaluguran panenayan da ing kakung pangabagsak. Ngarang sasabi, Marahil akua nang malinlang; kanita arakap ta ya at apagbengansan.

Mateo 5:39

Oneng ngeni sasabian ku kekayu: e ye ablasan e mayap ing taung dinapat e mayap kekayu. Nung ating tampaling keka king wanan mung pisngi, iyarap mia naman ing kayli mung pisngi.

Marcos 3:2

Pegumasdan de ring taung atyu karin i Jesus ba rang akit nung uluan ne ing lalaking ita king Aldo ning Sabbath ban atin lang adalum laban keya.

Lucas 13:14

Oneng mimua ya ing manibala king sinagoga uling menulu ya i Jesus king Aldo ning Sabbath. Inya sinabi na karing tau, Ating anam a aldo a sukat tamung magobra. Datang kayu keti kareting aldo ban paulu at e king Aldo ning Sabbath!

Lucas 20:20

Inya menaya lang masanting a panuan. Sitsutan da la ring mapilan a tau ban magkunwaring manintun king katuliran at ilang tiburan da ba reng arakap i Jesus king pamagsalita na ban kanita adalum de at miyabie king upaya ning Romanung Gobernador.

Juan 9:16

Ngara ding mapilan a Pariseo, E ya king Dios ing taung ita uling e ya tutupad king Aldo ning Sabbath. Oneng sinabi da ring mapilan, Makananu yang makarapat ing taung makasalanan karing anti kareting milagru? Milaban-laban ing sasabian da.