Lucas 6:43 - Ing Mayap a Balita Biblia

⁴³ E ya mamungang e mayap ing tanaman a mayap ni ing tanaman a e mayap e ya mamungang mayap.

Lucas 6:43 Iomraidhean Croise

Isaias 5:4

Migkulang ku kaya king pamanese ku king mulahan? Obat memunga yang maslam a ubas? Obat e la mayumung ubas ding binunga na?

Isaias 61:3

ban detang tatangis king Zion kaku lang atdanan tula at saya king lugal ning kalungkutan, lugal king tangis magkanta lang kapurian. Mangari la karing tanaman a tenam na mismu ning Ginu. Daptan da ngan ing matulid at ustu, at purian de ing Dios uli ning depat na.

Jeremias 2:21

Tenam da kang anting piling ubas, anti ing pekamayap a bini. Oneng lawan mu ing milyari keka! Mengari ka king mebuluk at alang ulagang ubas.

Mateo 12:33

Para manikua kang bungang mayap, kailangan ing atin kang tanaman a mayap; nung e ya mayap ing tanaman mu mupul kang e mayap a bunga. Uling akilala me ing tanaman karing bunga na.

Mateo 3:10

Ngeni pa makasadia neng dugpa ing palakul karing yamut da ring tanaman, ban ing isanu mang tanaman a e mikakabungang mayap, makutud ya at miyugse king api.

Lucas 6:42

Makananu mung sabian king kapatad mu, Kapatad, paburen mung idayu ke ing kekang puling ngening e me akakit ing trosung atyu king mata mu? Hipokrita! Ilako me pa ing trosung atyu king mata mu, at kanita masala meng akit at alako ing puling king mata ning kapatad mu.