Lucas 6:3 - Ing Mayap a Balita Biblia

³ Pekibatan na lang Jesus, E yu pa wari abasa ing depat nang David at ding kayabe na inyang meranup la?

Lucas 6:3 Iomraidhean Croise

Mateo 19:4

Nganang mekibat Jesus, E ye pa wari abasa ing anti kaniting kasulatan? Kanitang kamumulan ing Miglalang gewa na lang lalaki at babai.

Mateo 21:16

Inya ngara kang Jesus, E mu daramdaman ing sasabian da? Pekibat nang Jesus karela, Daramdaman ku. E ye pa wari abasa iting Kasulatan a sasabing: Karing asbuk da ring anak at bingut pepayagkas mu ing ganap a kapurian?

Mateo 21:42

Nganang Jesus karela, E yu wari abasa ini king Kasulatan? Ing batung e ra buri ding manalakad bale, ya ing maging batung pamuntuk. Dapat na iti ning Ginu, at pagmumulalan tamu!

Mateo 22:31

Tungkul naman king pamaniubling mebie, e yu pa wari abasa ing sinabi na kekayu ning Dios? Sinabi na,

Mateo 4:2

Inyang i Jesus mekapag-ayunu neng apat apulung aldo at apat apulung bengi, tiblan ne ning danup.

Marcos 12:10

E ye pa wari abasa iting kasulatan? Ing batung e ra buri ding manalakad bale ya ing meging batung pamuntuk.

Marcos 12:26

Tungkul naman king pamaniubli rang mebie ding mete, e ye pa wari abasa king Libru nang Moises itang dake babanggit king milalablab a tanaman? Makasulat karin ing sinabi na ning Dios kang Moises. Ngana, Aku ing Dios nang Abraham, ing Dios nang Isaac, at ing Dios nang Jacob.